آکادمی فلسفه

Democracy  and  Philosophy

                                          یازان: علیرضا نصیرزاده بکرآباد

ایکی مین بئش یوز ایل اؤنجه،اسکی یوناندا فلسفه نن- دئموکراسی  چیین- چیینه  دوغولدولار.آمما نه جور و هانکی شرطلرین اساسیندا بو بؤیوک ایش دوغرولاشدی؟

هر نه دن قاباق، فلسفه و دئموکراسی نین آنلامینا و قاورامینا  ایشارت ائدیم. هرایکی موضوعدان چوخلو تعریف لر و آنلاملار وار. فلسفه و دئموکراسی سؤزلری، کؤک باخیمیندان یونان منشالیدیرلر.فلسفه، بیلیمی و حیکمتی سئومک آنلامین و دئموکراسی ایسه خالق یامردوم حؤکومه تی آنلامین داشییرلار.

 آمما منجه دئموکراسی بیر توپلومو ایداره ائتمک یؤنتمی (یا متودی) دیر و  فلسفه بیر تنقیدی دوشونجه یؤنتمی یا عقلانی( اوسسال) یانشمادیر.

 دئموکراسی یؤنتمی  قانسیز ، اؤلومسوز و چوخ آز خرجینن حاکیملرین و یا حؤکومه تین ده ییشمه سینه ایمکان یارادیر بئله کی مردوم  حؤکومه تی سئچمه یه حاقی وارسا اگر، لاپ چوخ اونو ده ییشمه ده حاقلاری وار اودا قانسیز، ائله قورخمادان و دیسکینمه دن.

آمما فلسفه آزادجاسینا، اؤزگوجه سینه تنقیدی دوشونمک ایمکانیدیر،فلسفه، قورخمادان، دیسکینمه دن حیکمت و بیلیم سئوگی سی و آختاریشی دیر.

منیم سورغوم بودورکی اسکی یوناندا و یئنی باتی دا بو فلسفه یا تنقیدی دوشونجه یؤنتمی یا عقلانی یانشما ایله دئموکراسی هانکی شرطلر اساسیندا بیرلیکده یارانیبلار؟  فلسفه نن- دئموکراسی نه جور چییین چیینه گئده بیلیب لر و بیربیریلرینه دایاق اولا بیلیب لر؟

سؤزلوک:

اسکی: قدیم       دوغرولاشدی: تحقق یافت      آنلام : معنا (meaning)    

 قاورام: مفهوم  (notion /concept)         بیلیم: علم و دانش (science)     

 یؤنتم:  متود و روش     توپلوم : جامعه     اؤزگور: آزاد(liberty/freedom) 

 یانشما: رویکرد و رهیافت(attitude)    سورغو: سؤال    

 اوس/ اوسسال: عقل و عقلانی(reason/rational)    باتی: غرب

آردیسی وار....