علیرضا نصیرزاده بکرآباد

 

مؤللیفین اؤلومو

 رولان بارت*

 چئویرن: جاوانشیر یوسیفلی

کؤچورن:همت شهبازی

roland-barthes
مؤللیفین اؤلومو
رولان بارت* – چئویرن: جاوانشیر یوسیفلی
javanshir

بالزاک «ساررازین» نووئللاسیندا قادین پالتاری گئیینمیش خدیم کیشی حاققیندا دانیشارکن بئله بیر جومله ایشله‌دیر: «و ائله اصیل قادین ایدی، قفیلدن باش قالدیران قورخو حیسسی، آنلاشیلماز شیلتاقلیقلاری، اینستینکتیو هیجانلاری، سبب‌سیز قابالیغی، حریصلییی و بیر ده فسونکار، اینجه حیس‌لری ایله بیرگه…» بو سؤزلری دئین کیمدی بئله؟ بلکه قادین‌لیباسی آلتیندا خدیمی سئزمه‌مه‌یه چالیشان نووئل قهرمانی؟ یا بلکه اؤز شخصی تجروبه‌سیندن قادین حاققیندا فیکیر یورودن بالزاک – فرد؟ یاخود قادین ناتوراسی باره ده حؤکم سورَن ادبی تصوورلری ایزله‌ین یازیچی بالزاک؟ بلکه عموم بشری حکمتدی بو؟ کیم بیلیر؟! رومانتیک پسیخولوژی اووقاتین تظاهورودورمو بو؟ نه‌دیرسه، بیز اونو هئچ وعده بیله بیلمیه‌جه‌ییک، بئله بیر سببدن کی، محض آدینا یازی دئدیییمیزده سس، منبع، مأخذ باره ده هر جور آنلاییش، ساده‌جه گؤمولور! یازی – بلیرسیز‌لیین، غئیری-یئکجینس‌لیین، ایکی معنالی‌لیغین ائله بیر مکانیدیر کی، بورادا بیزیم سوبیئکتیولییمیزین ایزلری یوخ اولور. بو، ائله بیر آغ-قارا لابیرینتیدیر کی، هر جور اؤزونه بنزرلیک و ایلک نؤوبه ده یازان آدامین جیسمانی نشانه‌سی ایتیب گئدیر.


برچسب‌ها: مؤللیفین اؤلومو, مرگ مؤلف, رولان بارتین فلسفه سی, همت شهبازینین فلسفی یازیلاری, علیرضا نصیرزاده بکرآباد آکادمی فلسفه
ادامه مطلب
+ نوشته شده در  سه شنبه بیست و چهارم تیر 1393ساعت 19:22  توسط علیرضا نصیرزاده بکرآباد  | 

 

يازيچی نين اؤلومو: اوخوجو دؤنمی

 

  ایواز طاها


بير يئره توپلانميش ثروتين مرکزيني سوسياليزم داغيتدی، دئموکراسی ايسه اوست اوسته قالانميش قدرتين مرکزيني. بونو لويي آلتوسئر دئيير: بيز مارکس – دان بويانا اؤيرنميشيک کي، اينسانين ذهني، يادا اونون اقتصادی – سياسي – فلسفي «من»ـي تاريخين مرکزی دئييل. آيدينلانما فيلسوفلارینين و هئگل – ين عکسينه اولاراق، بونو باشا دوشموشوک کي، تاريخين مرکزی يوخدور. تاريخ ائله بير قورولوش دور کي، يانليش ايدئولوژيک بيلیک اولمايان يئرده، اونون مرکزی اولمور.

تاريخين مرکزی يوخدورسا، اينسانين سرت و ده ييشمز کيمليگي داغيلير، يازيچي نين متنين اوزه رينده توتاليتئر حؤکمرانيليغي دئوريلير. مولليفين اؤلومو و يازيچي‌نين تپه‌سي ‌اوسته يئره قاپانماسي، اونون ايسته يي ايله باش وئرمه‌دی. بو گئديش اينسانلیق تاريخينده بؤيوک قالاباليق نتيجه‌سينده و مرکزلرين داغيلماسي سونوجوندا گئرچک‌لشدی. سياست، اقتصاد، من، تاريخ، ديل و مولليف، بونلارين هاميسي نين مرکزی داغيلدی و يا لاخلادی. بو داغيديجيليغين قهرمانلاری بونلار ايدی:

 مارکس – دان توتموش، نيچه، فرويد، فئردينان دو سؤسور و روس فورماليست لرينه دک؛ قورولوشچولاردان توتموش پُست‌مدرنيست‌لره دک. دوغرودور، مولليفين رولونون آزالماسي، و اوخوجونون اؤنم قازانماسي، فورماليست لردن باشلاياراق آرتماغا باشلادی، آمما دیکانستراکشین مکتبينده مرکزلرين داغيلماسي ايله ايدی کي، بو تماميله گئرچکلشدی. مرکزلرين داغيلماسي دوشونجه¬سي آردينجا «مولليفين اؤلومو» نظريه سينين اؤزه ييني ساده ديلده آچيقلامادان، اونون خيرداليق لارينا کئچمک اولماياجاق.

کلاسيک ادبياتدا، اوخوجويا يالنيز توکه ديجي [مصرف‌‌کننده] کيمي باخيليردی. متن يازيچي نين بئينيندن بيرباشا اوخوجونون بئينينه داشينيردی. متنين بيرجه آنلامي واريدی، او دا يازيچي نين ذهنيتينده يارانيردی. يازيچي توتاليتئر حؤکومت لر کيمي متنه و متنين اساسلانديغي آنلاما حؤکم سوروردو. اوخوجو، متنه تابع اولان ساده بير توکه‌ديجي ايدی. بونون فلسفي کؤکلری واريدی. ائله بير فلسفي باخيشا داياناراق، اينسان بئيني بئله تانينيردی: عمل و آنلام قاياغي. مطلق گئرچک ليک بو ذهنيتدن جوشوردو. ياراديجي ذهنيتي نين اؤنمي نين کؤکلری آلمان ايدئآليزمينده يئرله شير.


برچسب‌ها: يازيچی نين اؤلومو, اوخوجو دؤنمی, مرگ مولف, ایواز طاهانین فلسفی یازیلاری, فلسفی دوشونجه لر
ادامه مطلب
+ نوشته شده در  سه شنبه بیست و چهارم تیر 1393ساعت 19:14  توسط علیرضا نصیرزاده بکرآباد  | 

 

مدرن لیگین باشلانغیجی

 یازان: علی آکای

کؤچورن: همت شهبازی

 

هابئرماس «مدرن لیین فلسفی سؤیلمی ( گفتمان )» آدلی کیتابیندا « فوکو، باتایل و دئریدا»نی یئنی قورولوشچو ( نئو استروکتورالیست) اولاراق تنقید ائدیر. ایلک اولاراق «هئگئل»ین ایشلتدییی بیر سؤزجوک اولان « مدرنیته »، هابئرماسین دوشونجه سینده تاریخی بیر باغلامدا ایشله نیلمیشدیر. بو ایسه، انگلستان دا «یئنی زامان لار» و عینی زاماندا فرانسادا « مدرن چاغ» آنلامیندا ایشله نیلمیشدیر. بو آشاغی یوخاری 1800 جو ایل لری چئوره ییر. او تاریخ لرده ایسه مدرنیته کئچمیش اولان 300 ایلی قاپساماقدایدی. یئنی دونیانین دوزه لیشی، رونئسانس و رئفورم ( بوتون بونلار1500 جی ایللری چئوره ین اولای لاردیر) یعنی اورتاچاغ ایله مدرن زامانلار آراسینداکی تاریخی کؤرپونو چئوره ییر. هئگئل عینی شکیلده بو مدرن سؤزجویونو، خیریستیان ژئرمانیک دونیاسینی آچیقلاماق اوچون ایشله دیر کی بو دا اسکی یونان – روم ایله باغلی دیر. گؤروندویو کیمی، مدرن سؤزجویو تاریخی اوزانتیسی بللی اولمایان آمما مکانی آوروپا بؤلگه سی اولاراق بلله نن بیر یئری قاپساماقدادیر. بیر چین مدنیتی و یا هیندوستان و یا شرق بیلیمی اوچون «مدرن لیک» سؤزجویو ایشله نیلمکده دیر. اسکی و اورتاچاغ سونونون علاوه ائدیلمه سی آنجاق مدرن زامانلار مدرن لیین یئنه خیریستیانلیقدا ایشله نیلن آنلامی، غرب دونیاسی ایچینده گله جه یین آنلامینی داشیماقدادیر، یعنی تانری نین سون موحاکیمه سیندن سونرا گلن زامان «مدرن زامان» دیر، هئگئل «روحون گؤرونتو بیلیمی» نین (نمود شناسی) اؤن سؤزونده، ایچینده اولدوغوموز زامانی، بیر زامان روحو اولدوغونو وورغولایاراق زامانیمیزین بیر کئچید دؤنمی اولدوغونو بللندیریر.


برچسب‌ها: هئگل, فلسفی یازیلار, مدرنلیک, علی آکای و همت شهبازی, آکادمی فلسفه
ادامه مطلب
+ نوشته شده در  سه شنبه بیست و چهارم تیر 1393ساعت 18:49  توسط علیرضا نصیرزاده بکرآباد  | 

 

فلسفه یه دوغرو(7-8)

 

عاغیللی اینسان؛آچیق دونیانین شاهی- کیرالی دیر.

 

                                علیرضا نصیرزاده بکرآباد

                

ــــــــــــــــــــــــــــــــــــــــــــــــــــــــــــ

(7)

آییریشدا،چیخیشدا،چیخاریشدا: زورلانیرسان.

بیریاندان قالیش،بیر یاندان چیخیش هوه سی سنی پارچالاییر...اورتادان ایکییه بؤلونورسن.

داریشلیقدان-دارلیقدان- قارانلیقدان،گئنیشلیگه-آچیقلیغا-ایشیقلیغا دوغرو...

بیرینه دادانیب سان-آلیشیب سان،بیرینه هوسله نیب سن...آمما قورخونج-دهشتلی بیرینه!

همشه سانکی تازا- یئنی،قورخولو- دهشتلی-اؤزگه اولور!

هوه سین اولسادا؛اوره ک دؤیونتون-چیرپینتین- قورخونتون وار- البتته!

گئنیشلیک: گئن- گئن گئنه لیر قارشیندا...

آچیقلیق: آچیلیر بیر فاحیشه کیمی ....آچیلا قالیر قارشیندا

آمما سن آتیلیرسان...دوز دوشورسن بیرینین قوینونا!

سن بوراخیلمیش،

سن آتیلمیش،

سن فیرلاتیلمیش...

آنانین دؤشونه سوواشیرسان.

سیغینیرسان- گووه نیرسن قوجاقلارا.

اؤیونورسن آتا بابالارینا.اویویورسان- مورگوله ییرسن شیب –شیرین لایلایلارا-نازلامالارا.

ناغیللاردا یاتیب قالیرسان...

سوروشدوغون سورغو-سوآللارا : همشه جاوابلار حاضیر- سهمان.

هؤروکله نیب- زنجیر له نیب قالیرسان آتابابالارین اویدوردوغو- بویوردوغو جاوابلاردا.

آییریشین- چیخاریشین داها چتین اولور سنین.

مکتبه گئدنده،آغلاییرسان- سیتقاییرسان،قورخوب-قاییدیب قاچیرسان.

عسگرلیگه گئدنده،گئده بیلمیرسن،اره گئدنده گؤزلریندن یاش تؤکولور،ظولوم-ظولوم آغلاییرسان....

آییریشین-چیخاریشین،چتین اولور سنین.

فلسفه یه آلیشماغین-قوشولماغین داها چتین اولور سنین.

 ـــــــــــــــــــــــــــــــــــــــــــــــــــــــــــــــــــــــــ

(8)

آلا قارانلیق بوجاقلاردان-اوجاقلاردان؛فلسفه سنی ایشیم- ایشیم ایشیلدایان ایشیقلیغا چیخاردیر.

گئنیش بیر گؤرونتو،گئن- گئن گئنه لیر قارشیندا...

دار گؤزلرین خورتلاییر- چیخیر کلله نه!

بئینین آچیلیر  اولور: آچیق بئیین!

گؤزلرین آچلیر اولور: آچیق گؤز!

قوجاغین آچیلیر اولور: آچیق قویون...

بیرآچیق دونیایا،قویونا،گؤزه،بئیینه...آیاق قویورسان،

سن بو آچیق دونیانین شاهی- کیرالی سان...عاغیللی اینسان، دوشون....

                                                                               بو دوشوک دونیادا.


برچسب‌ها: علیرضا نصیرزاده بکرآباد, فلسفه آکادمییاسی, فلسفه نه دیر, فلسفه نین آنلامی, فلسفه نین اولوشو و دوغوشو
+ نوشته شده در  شنبه بیست و یکم تیر 1393ساعت 16:56  توسط علیرضا نصیرزاده بکرآباد  | 

 

فلسفه نه یی،نئجه،نه اوچون اؤيره‌نير

 نیازی  و دیلاره مهدی

      حاضيرلايانلار:

 همت شهبازي – رامين جبارلي 

 

  فلسفه حاققيندا ايلکين صؤحبتلرده هميشه بو «فلسفه» آدي‌نين هارادان گلمه‌سي حاققيندا سوراق وئرمه‌يي هامي اؤزونه بورج بيلير. بيز ده بو قايداني پوزماياق: «فيلو-سوفييا» يونان سؤزودور. «سوفييا» حكمت دئمکدير، «فيلو» ايسه سئومک. دئمه‌لي، «فيلوسوفييا» حكمتي سئومک آنلاميني وئرير. «فلسفه» ايسه اورتاچاغ مسلمان عاليملري‌نين بو يونان سؤزونو عرب ديلينه اويغون دئمه‌لريندن يارانيب. 

  دئييرلر کي، بيرينجي دفعه  پيفاقور اؤزونو «فيلوسوف» آدلانديريب و بونونلا دئمک ايسته‌ييب کي، من اؤز يئريمي بيليرم، بيليرم کي، حكمت يالنيز تانري بيلییی‌دير، منده اولا بيلمز. من آنجاق حكمتي سئوه بيلرم. 

  «فلسفه» سؤزونون حكمتله باغلي اولماسي اينديکي چاغدا فلسفه‌نين نه اولدوغونو آنلاماق اوچون ديريني ساخلاييب، يا يوخ؟ بو سورونو دوشونک. 

  فيلوسوفلار، فلسفي مکتبلر وار کي، اساسن، انسانين اؤزونو، ياشاييشيني نئجه قورماسي مسئله‌سينه باغلانيرلار. نه‌يي آنلاماق ايسته‌سه‌لر ده – ايسته‌يير بولودلاري، ايسته‌يير حئیوانلار عالميني، ايسته‌يير کوسموسو، - هاميسيني يؤنلديرلر انسانين اؤزونو بيلمه، دونيادا ياشاما، داورانما مسئله‌سينه. ائله حكمت ده ياشاماق گئديشينده راستيميزا چيخان سورنلاري (پروبلئملري) يا چؤزمک، يا دا معناسيز سايماق باجاريغي اوچون گرکلي بيليکلره دئييلير. حكمت بيليجيسي مودريک آدام (اسکي تورکلر بونا «بيلگ» دئييرديلر، يعني بيلگين) آيي-اولدوزو بيلدییی اوچون مودريک دئييل، بوندان اؤزو اوچون، آداملار اوچون عيبرتلر، اؤرنکلر چيخارديغي اوچون بيلگه‌دير. اون‌سککيز یوز ایلین اينگيليس فيلوسوفو دئيويد هيوم مودريکلییی  بئله يوزانلاردان ايدي.  

  آنجاق فلسفه‌ني علمي دوشونوش، علمي گئرچکلرين (حقیقتلرين) چرچيوه‌لرينه سالانلار دا وار. و اونلار اوچون، آرتيق، حكمتي سئومک هله اصل فلسفه دئييل. 

        علم و فلسفه 

     اونلار اوچون بيليک، وارليق حاققيندا حقيقتلر (گئرچکلر) ان اؤنجه اؤزو-اؤزلويونده، انسانا دخلي اولمادان ديرليدير و فلسفه بو يؤنومده آختاريشلاردا اولماليدير.  

  سوالي يئنه تکرار ائدک: فلسفه ‌نه‌يي اؤيره‌نير؟  


برچسب‌ها: فلسفه نه دیر, فلسفه نین آنلامی, فلسفه نین آنلاییشی و قاورامی, فلسفه آکادئمیاسی, علیرضا نصیرزاده بکرآباد و فلسفه
ادامه مطلب
+ نوشته شده در  چهارشنبه هجدهم تیر 1393ساعت 9:31  توسط علیرضا نصیرزاده بکرآباد  | 

 

کامو و اينسانين قييامي

 

         ابولحسن ریاضی     

   چئوير ن: مسيح آغا محمدي/   كؤچورن : همت شهبازي  

 

  آلبر کامو (1913-1960) «طاعون»، «يابانچي»، «سقوط»، «کاليقولا»، «سيزيف حاققيندا ميف» کيمي اثرلرينده موعاصير اينسانين وضعيتيندن، اونون چکديگي عذاب و ايضطيرابلاردان گئنيش صؤحبت آچميشدير. «طاعون»دا دسته-دسته محوه سوروکله نن اينسانلار، اؤلوم قورخوسو و حيات عشقي ايله يوغرولموش موناسيبت لر تصوير ائديلير. «يابانچي»دا قهرمان اويون قايدالارينا اويغون شکيلده داورانا بيلمه ديگي اوچون محوه محکومدور. او، ياشاديغي جمعيته ياددير. همين جمعيتده شخصيتين حرکت وئريجي قووه سي نئگاتيو بير حقيقتدير کي، اونسوز اينسانين اؤزو و دونيا اوزرينده غلبه چالماسي باش توتان ايش دئييل. بونا گؤره ده اثرين قهرماني راحاتليق نامينه سسسيز-سميرسيز اؤلومو سئچمه لي اولور. او، نه سوسيال عدالت سيزلييي پيسله يير، نه ده اونونلا مباريزه آپارير؛ او يالنيز تنهاليغي اؤز وضعيتينه اويغون بيلير. 

       سيزيف هم داخيلينده کي  ائحتيراس، هم ده چکديگي عذاب باخيميندان آبسورد (پوچ گرا) قهرمانيدير. او، دايم بير داشي داغين زيروه سينه قالديرير، زيروه يه چاتديقدا ايسه داش يئني دن آشاغي ديغيرلانير. بو، هميشه عبث، بيهوده و اوميدسيز بير ايشي تکرار ائتمه يين لابودلويونو آنلاماقدان دوغان دهشتلي بير جزادير. «سيزيف حاققيندا ميف» اينتيحار باره ده صؤحبتله باشلايير، قييام مؤضوعسو اطرافيندا بحث له قورتارير. 

 کامو امين دير کي، فيلوسوف اولماق اوچون موطلق يازيچي اولماق لازيمدير. يئني وارليغين معناسيني آختاران اينسان عمللي-باشلي موعاصير حياتين ايچيندن کئچمه ليدير. کامونون فيکرينجه، همين مسئله نين قويولوشو اوچون زامان و مکان چرچيوه سينده اولان ايدراک ضروريدير. اونا گؤره ده فلسفه يازيچيليغا مؤحتاجدير. کامونون موعاصيري اولان اينسان هر شئيي قيريب-سينديرميش، قورتولموش و قييام ائتميش بير اينساندير. دئمه لي، بئله بير اينسانلا ياشاماق و صيرف داخيلي سوبيئکتيولييه دئييل، ظاهيري اوبيئکتيولييه ماليک بير رئالليغي آراشديرماق لازيمدير. 


برچسب‌ها: کامونون فلسفه سی, کامونون دوشونجه سی, ترجمه آثار کامو به ترکی, آکادمی فلسفه علیرضا نصیرزاده بکرآباد, فلسفی یازیلار و فلسفی دوشونجه لر
ادامه مطلب
+ نوشته شده در  چهارشنبه هجدهم تیر 1393ساعت 9:15  توسط علیرضا نصیرزاده بکرآباد  | 

 

"بوز ايچينده ياشاماقدير- فلسفه…"

 

                                   حاضيرلايان: ائلمين حسنلي  

                                           كوچوره ن: علي دهقاني آذر

هم ان چوخ سئويلن، هم ده ان چوخ نيفرت ائديلن فيلوسوفلاردان بيري اولان فريئدريجه ويلهئلم نيچه (فريدريك ويلهئلم نيچه) 1844-جو ايلين 15 اوکتيابريندا رؤکئنده، پروسيادا آنادان اولموشدور. اونون آنادان اولدوغو گون پروسيا کرالي 4-نجي فريدريك ويلهلمين تاختا چيخديغي گونله عئيني واختا تصادوف ائدير. اوغلونون آنادان اولدوغو گونون بئله بير خوش تاريخي مقاما تصادوف ائتمه سيندن سئوينن آتاسي اونا کرالين آديني وئرميشدي. "منيم دوغوم گونومون تاريخي حاديثه  ايله اوست-اوسته دوشمه سي نين بير اوستونلوگو واردي. منيم اوشاق اولدوغوم بوتون ايللرده آد گونلريم ائل شنليکلري ايله عئيني واختا دوشوردو." -نيچه اؤز اوشاقليق ايللري نين بير مقاميني بئله خاطيرلايير.

او، پوريتان موحيطينده بؤيوموش، ائرکن ياشلاريندان فلسفه يه، موسيقييه و ادبياتا ماراق گؤسترميشدير. گنج طلبه اولاراق، نيچه کلاسيک فيلولوگيياني اؤيرنميشدي و ايگيرمي دؤرد ياشيندا بازئل اونيوئرسيته سينده پروفئسور وظيفه سيني توتموشدور. 

نيچه نين گؤروشلرينه سوقراطدان اؤنجه کي  فيلوسوفلار، هئراکليت و ستويکلر تاثير گؤسترميشدير.  

نيچه نين دوشونجه سينده و بوتون حياتيندا اساس دؤنوش نؤقطه سيندن بيري اونون شوپئنهاورين "دونيا، ايراده و تصوور کيمي" اثري ايله تانيشليغيندان سونرا باش وئرميشدير. نيچه سونرالار يازيردي: "منه ائله گلدي کي، شوپئنهاور بو کيتابي شخصا مندن اؤترو يازميشدير، شخصا منه عونوانلانميشدير. من اونون ائنتوزيازميني (قيزغينليق-شووق و ذووق)ني حيسس ائديرديم، منه ائله گليردي کي، اونو اؤز قارشيمدا گؤرورم. اونون هر بير سطري ايمتيناع، اينکار، ايستئفا چاغيريشي ايله مؤحکم قيشقيريردي. من بورادا خسته ليک و شفاني، سورگونو و سيغيناجاغي، جهنمي و جنّتي گؤردوم."   


برچسب‌ها: نیچه نین فلسفه سی و حایاتی, نیچه کیمدیر, باتی و غرب فلسفه سی, آلمانیا فلسفه سی, آکادمی فلسفه علیرضا نصیرزاده بکرآباد
ادامه مطلب
+ نوشته شده در  یکشنبه پانزدهم تیر 1393ساعت 9:9  توسط علیرضا نصیرزاده بکرآباد  | 

 

مودئرنيته  ایله پست مودئرنیته

(مودئرنيته پارادوکس تؤره دير)    

تقی قیصری

                                                          

            " مودئرن " ، " مودئرنيته " و " مودئرنيسم " کيمی کلمه لر بيزيم ادبی ، فلسفی و فرهنگی حياتيميزدا مطرح اولدوغونا گؤره لازيمه قَدَر آراشديرما طلب ائدير . دانيشيقلاردا ، خصوصاً ادبيات حوزه سينده ، ايستَر ايستَمَز مودئرنيته دن صحبت آچيلير . گنج يازيچيلار ، شاعرلر يئنی ليک آرديندا ، ادبياتی واونون تاريخينی دوشونمک ايستييرلر . بو آختاريشدا " مودئرنيسم " و " مودئرنيته " ايله راستلاشماق ، قاچينماز بير حادثه دير . بو قيسسا باخيشدا ، مودئرنيته حادثه سينی تاريخی باخيمدان ايزلـَمَيه چاليشيريق .

            اروپا ديللرينده مودئرن لغتی ، يئنی ، چاغداش و يا چاغسل معنالاريندا ايشله نيليب دير. لاکين مودئرنيته اؤز گئنيش معناسيندا بو لغتلره سيغيشما ييب ، تاريخ ، فلسفه ، هنر ، جامعه شناسليق ، ادبيات و فيکير حوزه لرينده مخصوص بير دؤره نين دوشونجه لرينی داشييير . مودئرن دنيا باخيمی ، اؤزونه معين قايدالار و دوشونجه لرله معنا قازا نيب دير . بو معنالار ، بئش يوزايله ياخين ، اورتا عصرلرين اصولونون قارشيسيندا دايانديقدا يارانميشدير .

            مودئرن باخيش ، يئنی عصرين  باخيشی و بوعصرين مناسبتلرينين مناديسی دير . يئنی عصر، اورتا عصرين سنّتی و جزمی دوشونجه لرينین برابرينده دايانيب و اونلاری ويران ائتديکده هويّت تاپير . بو تاريخی دؤره نی ، 16 نجی عصردَن ايزلـَمَک اولار . کئپلر ، کوپرنيک و گاليله کيميلردن سونرا ، تجربی علمين گوجو ، سنّتی و جزمی باخمين چاتيشمامازليغينا اوستون گـَلدی . علم ، عاغيل و تجربه، زامانين مادی و معنوی ايستَکلرينه تام گوجله جاواب وئريب و بئله ليکله يئنی عصرين ياراتديغی قايدالاری ياشامين بوتون بؤلگه لرينه سرايت وئرير .


برچسب‌ها: مودئرنيته ایله پست مودئرنیته فلسفه لری, مدرنیته فلسفه سی, فلسفی دوشونجه و دوشونمه, غرب و باتی فلسفی, ترجمه آثار فلسفی غرب به ترکی آذربایجانی
ادامه مطلب
+ نوشته شده در  یکشنبه پانزدهم تیر 1393ساعت 8:49  توسط علیرضا نصیرزاده بکرآباد  | 

 

فلسفه یه دوغرو

 

                   (۶) چیخاریش و آییریش فلسفه سی....

 

علیرضا نصیرزاده بکرآباد:

 

فلسفه سنی آنانین دینج- ساکیت قوینوننان و قارنیننان ائشیگه چیخاردیر...

یئرین ایستی- یوموشاق،قارنین توخ! ایسته دیگین حاضیر- سهمان!

نایرانچیلیق یوخ! گوونده سن...قاچماغا- سیغینماغا یئرین وار: دینج – ساکیت...

آنانین قارنیندا...بیر ببه، بالالیغین ایچینده ته پیک له سین- سونجوخلاسین...هئچ نه یین قئیدینده دئییل! آتیلسین- دوشسون هئچ نه یین اوموروندا دئییل!

سانکی بیر جنتده دیر او... هرنه سهمان- حاضیر،گوونلی- ساکیت- دینج- ایستی – یوموشاق...

فلسفه ، سن-به به نی  بوردان ائشیگه چیخاردیر...

بو داریشلیق- قارانلیق(آمما ایستی- دینج) دونیادان آییریر...

چیخاریش- آییریش فلسفه سی...

آغری لا،سانجی لا،دیره نیش له، دایانیش لا دولو چیخاریش- آییریش...

هله هاراسی دیر!؟

گؤزلرین قاماشاجاق- قاییدیب قاچاجاقسان او دونیایا:

 آنانین قوجاغینا-آتانین قوینونا...هله ده ده لیک لرین وار- نه نه لیک لرین وار...

فلسفه یارانماغا - فلسفه یاراتماغا ایشین  چوخ زوردور سنین!


برچسب‌ها: فلسفه نین دوغوشو و اولوشو, فلسفه نین یارانیشی, فلسفه دیرچه لیشی, فلسفه آذربایجان و تورک دیلینده, آکادمی فلسفه علیرضا نصیرزاده بکرآباد
+ نوشته شده در  چهارشنبه یازدهم تیر 1393ساعت 19:11  توسط علیرضا نصیرزاده بکرآباد  | 

 

                          

                    فلسفه یه دوغرو...

 

 علیرضا نصیرزاده بکرآباد:

ـــــــــــــــــــــــــــــــــــــــــــــــــــــــــــــــ

(1)    

هر نه دن دویورسان،هرنه دن دولورسان....سیغینیرسان فلسفه یه! فلسفه سانکی بیر اوجاق دیر،بیر پیردیر،بیر بوجاق دیر...اوردا آغلایاسان،سیتقایاسان،هؤنکوره سن،یالواریب –یاخاراسان...دخیل دوشوب قالاسان،آنجاق توختاییب-توختانیب دوراسان.

   یوخ!فلسفه بیر اوجاق دئییل؛دایانیب ابدی قالاسان،دوروب دخیل دوشه سن.

فلسفه یئریش دیر،حرکت دیر،گئدیش دیر...فلسفه ده باغلانماق یوخ!دورماق یوخ!سیغیشیب-قیسیلیب بوجاقلاردا-اوجاقلاردا قالیش یوخ!دوروش یوخ!دایانیش یوخ!یالواریش یوخ!باشیوا دولانیم،قوربان کسیم،قادان آلیم یوخ....

فلسفه ده  ابدی لیک سوروشما وار...آختاریشما و گئدیشمه....

ــــــــــــــــــــــــــــــــــــــــــــــــــــــ

(2)

گئدیش-آختاریش فلسفه سی:

                                       سون سوز بیر چالیشما-قاچیشما...

یاشاییش لا آیاق بیر،چییین-چییینه گئده بیلن بیر فلسفه.یاشاییش لا قوجاقلاشان،جانلاشان-آیاقلاشان بیر فلسفه...

ده لی- دولو،آخیجی،ده ییشن،جانلی یاشاییشلا،اؤلومله،یوخ لا،آجی لا،بوغونتو-سیخینتی لا،هده –هربه و دهشت له،اوموت و آرزیلا،دوغوش-اولوش – اؤلوش و سئویشله آیاقلاشان ده لی – دولو،قیپ قیرمیزی جانلی بیر فلسفه. 

 ـــــــــــــــــــــــــــــــــــــــــــــــــــــــــــــ

(3)

فلسفه داوا-درمان دیرمی؟

فلسفه یه سیغینیب داوا-درمان آختارماق مومکونمو؟

فلسفه هانکی دردی-آغری نی توختادیر؟

فلسفه نه یه توختاخلیق وئریر؟

     ....یوخلادیر؟آللادیر؟آزدیریر؟کئفلندیریر؟اویدورور؟مورگولندیریر؟

                                                             دویدورور؟دولدورور؟بوشالدیر...؟

پس نه مه نه؟

فلسفه دال با دال سوروشان-سوروشولان سؤال-سورغولاردیر...

فلسفه سون سوز،اوجسوز-بوجاقسیز اؤیرنمه-بیلمه و آختارما سئوگی سی دیر...

فلسفه دورمادان- دایانمادان-اویمادان؛ سوروشما،بیلمه و آختارما دیر!

   بو بیر دوشونجه و دوشونمه  یؤنتمی دیر- و بیر داورانما و یاشانما طرزی. 


ــــــــــــــــــــــــــــــــــــــــــــــــــــــــــــــــــــــــــــــــــــــــ

(4)

فلسفه یه سیغینیرسان...بو مومکون مو؟بو دوغرو مو؟

فلسفه ده سیغیناجاق بیر یئر وارمی؟دایاناجاق،سؤیکه نه جک و قورتاراجاق بیر یئر وارمی؟

یوخ.....

فلسفه،اوجاق دئییل دخیل دوشه سن،قوربان کسیب-نذیر وئریب ایسته گینی آلاسان.

فلسفه کؤهول،ماغارا و بوجاق دئییل سیغیناسان ایچین گئچه...اوره یین ایشیقلانا گئرچه یه واراسان...سونرا گلیب بوتون اینسانلارین الیندن توتوب بو قارانلیق-بولانلیق دونیادان ایشیقلار دونیاسینا آپاراسان و قورتاراسان...

فلسفه پیر دئییل اوره یینین مطلبینی اوردان آلاسان.

فلسفه دین دئییل گؤیدن دوشه اوره یینین لاپ اورتاسینا.

فلسفه اینسانین،اینسانلار آراسیندا،توپلومدا یاراتدیغی بیر دوشونجه،داورانما و یاشانما طرزی دیر.

فلسفه اینسانلار یاراتدیغی بیر اورون دور- محصول دور.

فلسفه اینسانلارلا ایلگیلی،آیریلارلا موناسیبتده و توپلوم ایچینده یارانار، اوجاقدا-بوجاقدا-کؤهولده-ماغارادا-مئشه ده یوخ!

فلسفه گؤیدن گلن بیر قوتسال سووقت دئییل بلکه فلسفه یئرده اینسانلار یاراتدیغی بیر یولدور- یؤنتم دیر...

بو یولدا؛ یاهالما وار...یاوالما وار...آزما وار...دوشمه وار...قالخما وار...گلیشمه وار...گئرچه یه یاخینلاشما وار... 

ــــــــــــــــــــــــــــــــــــــــــــــــــــــــــــــــــــــــــــــــ

(5)

گؤردوکلرو،اوخودوقلارو،ائشیتدیکلرو،آلیشدیقلارو هامیسینا بیر سققه وورور....

هامسینین قاباغیندا بیر سورغو-سوال یارادیر؟

هرنه یه ایلیشیر- ایلیشدیریر،هئچ نه یه سیغیشمیر،هئچ نه یه سیغینمیر...

ایپه-ساپا گلمیر...بو ائلدن آلاهی فلسفه! 

دوزه نه گلمیر،دوزوم- دوزوم دوزولمور...آخیر- دایانمادان،دورانلارین خوشونا گلمیر،دایانانلارین خطرینه ده ییر...

کؤهنه دایاقلاری ییخیر-سارسیدیر...گؤرورسن: ده به ریلیر بئینین! چیخیر یئریندن کللن! 

سوروشورسان: کلله سالان – بئیین سالان یوخدور؟

سینیغینا،چاتینا،جیریغینا باخان یوخدور...؟       

اپریمیش- سولموش ،کار- شیل-چولاق-کافتار-دیشی چوروموش سارالمیش بیر چیرکین-چوپور  قوجالمیش فلسفه قویولور قاباغینا....

بویور:

عربلشمیش-پاسلامیش-قاتیشمیش-دؤنموش....اولموش بیر دؤنوک فلسفه!

قاچان،جانلانان،جانلادان فلسفه.......اولموش چیرکین-کافتار...

کلله سالان-بئیین قویان فلسفه...

بوردا

قوخلامیش،قارغینمیش،قارقیمیش،قوغولموش،سولموش....فلسفه. 


برچسب‌ها: علیرضا نصیرزاده بکرآباد, فلسفه آکادمییاسی, فلسفه نه دیر, فلسفه نین آنلامی, فلسفه نین اولوشو و دوغوشو
+ نوشته شده در  دوشنبه دوم تیر 1393ساعت 16:21  توسط علیرضا نصیرزاده بکرآباد  | 

 

ژاک دئرریدا

 

 یازان: گون تای

ساختار شکنی به روایت ژاک دریدا 

  یاشامی و دوشونجه لری نین اولوشومو 

  دئرریدا'نین ائتکینلیگی یالنیزجا فلسفه یله سینیرلی اولمامیشدی.اؤزللیکله '60'لاردان سونرا یوغونلاشان سییاسال قونژونکتور ایچینده ایرکچیلیک قارشیتی حرکتلرده یئر آلدیغی، فرانسا'داکی جه زاییر'لی موهاجیرلرین حاقلارینی دستکله دیگی و آیریجا سویوک ساواش دؤنمی چئکوسلاواکیا'سی نین موحالیف حرکتلرینی دستکله دیگی و بو نئدئندن 1982 ییلیندا عینی اولکئده توتوکلانمیش اولدوغو بیلینمکده دیر. کؤرفئز ساواشی سیراسیندا ایسه آلمان فیلوسوف ژورگئن هابئرماس'لا بیرلیکده فرانکفورتر آللگئمئینئ'ده قلمه آلدیقلاری بیر یازیدا، دونیا ائنتئلئکتوئللرینی آ ب د'نین عیراق'ا قارشی گیریشدیگی سالدیرییا طاویر آلمایا و آوروپا'نین دونیاداکی یئرینی یئنیدن تانیملامایا گیریشدیگی بیلینیر. 

   پاریس'ده ائکوله نورماله سوپئریئور'ده و سوربوننه اونیوئرسیتئسی'نده اوخودو. 1970'لردن ایتیبارن پاریس و آبد'ده کی ژوهنس هوپکینس، یاله، هاروارد، کالیفورنییا اونیوئرسیتئلرینده آکادئمیک کارییئرینی سوردوردو.گلیشدیردیگی یؤنته م و قاوراملار ائدئبییات الشدیریسیندن سوسیولوژییه، کیملیک سورونوندان فلسفه یه بوتون دوشونسل آلانلاردا ائتکیسینی گؤستردی و سارسیجی سونوچلارا یول آچتی. 


برچسب‌ها: ژاک دئرریدا, دئریدانین فلسفه سینه بیر باخیش, دریدانین پست مدرن فلسفه سی, دئریدانین دوشونجه سی و یاشامی, پست مدرن فلسفه
ادامه مطلب
+ نوشته شده در  دوشنبه دوم تیر 1393ساعت 9:18  توسط علیرضا نصیرزاده بکرآباد  | 

 

یئنی‌لیک‌چی فرد، اویغون توپلوم

 

 جون گاردنئر John W. GARDNER

 چئویرن: سوسن نواده رضی


بیرینجی بؤلوم: توپلوموموز و توپلومداکی هر شئی پوزولموشدور.


بونجا د‌ییشیک‌لیک‌لر قارشی‌سیندا اینسان‌‌لار یالنیزجا حرکت‌سیز موشاهیده‌چی دئییل، عینی زاماندا د‌ییشیک‌لیک‌لرین اوره‌تیمینده (تولیدینده) یاردیمجی ائلئمان‌‌لاردیرلار. بو، پوزولموشلوق (فاسدلیک) دئییل، دینامیزم‌دیر. توپلوم‌لاردا گلیشمه‌ و گئریلمه‌نین ائلئمان‌لارینی قاوراماغا باشلاییریق. یالنیز توپلومسال یئنی‌لنمه بوتونلوک‌له فردلره باغلی‌دیر، فردلرین ایسه، گونوموزده چئشیدلی سورون‌لاری (پروبلئم‌لری) واردیر. توپلوم یئنی‌لنمه‌یی باجارماق ایسته‌سه، قابیلیت‌لی اینسان‌لار اوچون اویغون بیر آتموسفئر، موناسیب قوشول‌لار یاراتمالی‌دیر. عینی زاماندا توپلوم، یئنی‌لنمه یئته‌نه‌یینه صاحیب اولان اینسان‌لاری یئتیشدیرمک مجبوریتینده‌دیر. گنج قالمانین أسنک‌لیینی(انعطاف‌لی‌لیغینی) و اؤیرنمک‌ـ‌گلیشمک یئته‌نه‌یینی قورودوغوموزدا یئنی‌لنمه گئدیشی دوام ائده‌جکدیر.

19ـ‌جو یوزایللییین تانینمیش آکتیورلاریندان ای.آ. سوتئرن (E.A.Sothern)، کیچیک بیر اوشاغین اؤزوندن داها بؤیوک اوشاق‌لارین آراسیندا اویناماق اوچون قاتیلماق ایسته‌ییشینه شاهید اولور. اوشاق، آرالارینا اونو قبول ائتمزلر دئیه دوشونور. او بیری اوشاق‌لار ائولرینه دؤنمه‌یه باشلادیقلاریندا، "سوتئرن" (Sothern) نشئه‌ ایله، "هئی، پرده‌نین آرخاسینا ساخلاناق، بیزی گؤرمه‌سینلر!" دئیینجه، آرخاداشی کدرلی بیر شکیلده، "گؤروب هیچ سایماسالار نئجه ؟ " دئیه‌ر. هر سوسیال تشکیلاتین دیققته آلماسی گرکن بیر ایلکه (اصل) واردیر. توپلوملارین و گروپ‌لارین یئنی‌لنمه‌سی انسانلارین بو ایشی جیددی توتمالاریندان آسیلی دیر.


برچسب‌ها: یئنی‌لیک‌چی فرد, اویغون توپلوم, فلسفی اثرلرین ترجومه سی, ترجمه آثارفلسفی به ترکی, آکادمی فلسفه علیرضا نصیرزاده بکرآباد
ادامه مطلب
+ نوشته شده در  یکشنبه یکم تیر 1393ساعت 9:58  توسط علیرضا نصیرزاده بکرآباد  | 

 

                                       بیر داها غزالی

                                       

                                           سوسن نواده‌ی‌رضی

بومطلبی، ادوارد توماس-ین یازدیغی و ذبیح الله منصوری نین فارسجایا چئویردییی”غزالی و زهره”رومانیندان سئچمیشم. غزالی‌نین «ائییتیم[1] و اؤیره‌تیم [2]» قونوسونداکی باخیش آچی‌لاری و اونون اؤز چاغداش‌لاریندان 9  یوزایللیك اؤنده اولدوغو گؤستریلیر. بو گؤزل، شیرین و فلسفی رومانین اوخوماسینی توصیه ائدیرم.

غزالی‌نین ایناندیغی ایلکه‌لر[3]دن بیری ده، ائییتیم و اؤیره‌تیم  یؤنتم‌لری‌نین[4] تماماً  ده‌ییشیلمه‌سی ومعقول بیلیم‌لرین ،منقول بیلیم‌لردن داها آرتیق اؤنمسه‌نمه‌سی ایدی.

غزالی‌یه گؤره، اوشاق‌لار کیچیک یاش‌لاریندان  محفوظاتلا دولو بیر توربا  داشیییجی‌سی اولماقدان‌سا، عقل و استنباطین گوج‌لنه‌جه‌یی بیر آماج‌لا ائییتیلیب اؤیرنمه‌لی‌دیرلر. او «المنقذ من الضلال» کتابیندا دئییر کی، عقل ایله حقیقته چاتماق اولماز. اونون آشیلاماق ایسته‌دییی آنلام بوندان عبارتدیر کی، عقل ایله مبدائی تانیملاماق ممکن دئییلدیر. لاکن عقلین وار اولوشونو بشر یاشامی‌نین دوامی اوچون هم ده انسانا یول گؤستریجی بیر گره‌کجه کیمی ده‌یرلندیریردی.

غزالی‌یه گؤره محفوظات (ازبرلنمیش بیلیم‌لر و بیلگی‌لر) بیلیمین[5] گلیشمه‌سینی ساغلار. بیلیمین 


برچسب‌ها: غزالی و آموزش, فلسفه, دوشونجه, فلسفی دوشونجه لر, غزالی
ادامه مطلب
+ نوشته شده در  شنبه سی و یکم خرداد 1393ساعت 10:53  توسط علیرضا نصیرزاده بکرآباد  | 

 
Şihabeddin Ebülfütuh Yahya Habeş oğlu Sühreverdi
 
 
 
Şarkın en büyük filozoflarından biri, İşrakilik (el-işrak-nurlandırma) felsefesinin kurucusudur. Köken olarak Azerbaycan Türklerindendir. Ş.Sühreverdi ana bilginin kaynağını maddi âlem dışında arıyordu. Onun fikrince, “İşrak felsefesi” kitabını içgüdünün yardımıyla derinden anlamak mümkündür. İşrakilik felsefesine göre, hissi ve akli idrak vasıtasıyla maddi âlemin şeyleri ve olayları hakkında belli bilgi elde edilir, idrak ise insana ışıklar aleminin sırlarını açar, mutlaka hakikati ortaya çıkarıyor.
 
Şihabeddin Sühreverdi Azerbaycan'ın, genellikle, Yakın ve Orta Şarkın mühim şehirlerini, Filozof özgür düşünceleri, yüksek felsefi düşüncelerine göre Şark ülkelerinde tanınmış, büyük ün kazanmıştır. O bilimsel - felsefi düşüncelerini en çok Küçük Asya'da yayabilmiştir.
Şihabeddin Sühreverdi'nin eserlerinin ve bu eserlere yazılmış yorumlar, haşiyeleri dünyanın bir sıra kütüphanelerinde bulundurulmaktadır. Kayda alınmış elli iki eserinden on üçü Peripatetizm, on beşi tasavvuf, sekizi İşrakilik ve on altısı çeşitli konulara göre gruplaştırılır.
Şihabeddin Yahya Sühreverdi'nin zengin mirası 12. yüzyıldan itibaren Arapça, Farsça, kısmen de Türkçe yayınlanarak Şark halklarının felsefe tarihinde önemli yer almıştır. Onun eserlerinin Orta Çağda çoğaltılmış nüshaları hazırda dünyanın değişik şehirlerinde, Şam, Sn. Petersburg, Tahran, Bağdat, Kahire, İskenderiye, İstanbul, Paris, Londra kütüphanelindedir.                

           http://www.azerbaijans.com/content_644_tr.html


برچسب‌ها: سهروردی و ایشراقیلیک فلسفه سی, Sühreverdi, فلسفه شیخ شهاب الدین سهروردی, آکادمی فلسفه علیرضا نصیرزاده بکرآباد
+ نوشته شده در  پنجشنبه بیست و نهم خرداد 1393ساعت 17:24  توسط علیرضا نصیرزاده بکرآباد  | 

 

Şihabeddin Sühreverdi-i Maktul

(Öl. H.558\1191)

                                                                                                                                

           

Müellifin tam adı Ebu'l Fütûh Şihâbu'l-Hakki ve'l-Milleti ve'd- Din Yahya b. Habeş b. Emîrek es-Sühreverdî el-Maktul'dur. Yazar günümüzde Tahran ile Tebriz arasında Zincân şehrine yakın bir yerleşim olan Sühreverd'de doğmuştur. Derûnî hayatındaki açılımları sebebiyle Ebu'l Fütûh; dini ve felsefi bilgisinin yüksekliğinden dolayı Şihâb yıldızı; Sühreverd'de doğduğu için Sühreverdî; öldürülerek yaşamı sona erdiği için el- Maktûl olarak almıştır. El-Maktul mahlası, aynı aileden gelen ve çağdaşı olan Şihabeddin Ömer Sühreverdi'den ayrı tutulması için de zikredilir.

 Eğitimini tamamladıktan sonra Şirvan, Azerbaycan illerinde bulunan yazar sonra Anadolu coğrafyasında yaşamaya başlamıştır. Mardin, Diyarbakır ve Konya'da çeşitli sürelerde ikamet eden Sühreverdi, Diyarbakır'da Diyarbakır emiri Karaarslan b. Davud b. Artuk için Elvâhu'l- İmâdiyye adlı eseri telif etti. Sühreverdi kendisine öğrenci olan Nâsıruddin Berkyaruk Şah için de Pertev-Nâme adlı eseri yazdı. Konya'da II. Kılıç Arslan ve saray çevresi bir süre Sühreverdi'yi Konya'da ağırladılar.

 Sühreverdi'nin açık sözlü tutumu, bâtıni doktrinleri açıklamada gösterdiği tedbirsizlik, tartışmalarda rakiplerini alt etmesi, ulema arasında ona kin besleyen bir grubun oluşmasına neden oldu. Halep fakihleri bir mazbata düzenleyerek Sühreverdî'nin katline karar verdiler ve 587/1191 senesinde bu karar uygulandılar. Sühreverdî'nin öldürüldüğünde elli yaşında olduğu söylense de aslında o, öldürüldüğünde otuz altı yaşındaydı. Kırkın üzerinde eser veren Sühreverdî, Anadolu'da altı eser yazmıştır.

 Eserleri

 Hikmetu'l İşrâk (Kayseri'de Kutbeddin Şirazi tarafından şerhedildi), Pertev-Nâme (Erzincan ve Tokat'ta yazıldı), Risâle-i Safir-i Simurg, Bustânu'Kulûb (Kayseri'de yazıldı), el-Elvâhu'l İmâdiyye (Diyarbakır'da yazıldı, Selçuklular devrinde Farsçaya tercüme edildi), Heyâkilu'n Nûr (Farsça ve Türkçeye tercüme edildi).

http://www.anadoluselcuklumimarisi.com/


برچسب‌ها: Şihabeddin Sühreverdi, i Maktul, فلسفه شیخ شهاب الدین سهروردی, آذربایجاندا فلسفه, آکادمی فلسفه علیرضا نصیرزاده بکرآباد
+ نوشته شده در  پنجشنبه بیست و نهم خرداد 1393ساعت 15:12  توسط علیرضا نصیرزاده بکرآباد  | 

 

 

افلاطونون کؤهولو

 

علیرضا نصیرزاده بکرآباد:

افلاطونون فلسفه سینده بو دونیا کولگه دیر.بیر گئرچک،ثابیت و دوغرو دونیانین کؤلگه سی دیر. بو دونیا سو کیمی آخیر، دورمادان گئدیر- ده ییشیلیر ،

 بو دونیادا گؤردوکلریمیز، کؤلگه!

بیلدیکلریمیز، گومان دیر!

افلاطون بو دونیانی بیر قارانلیق کؤهوله بنزه دیر و دئییرکی:

بیر قارانلیق کؤهول دوشونون،اینسانلار دوغولدوغو زاماندان اوردا ال لری،قول لاری و بویون لاری زنجیرده، هئچ یانا دؤننن مه دن – چؤننن مه دن اوزلری کؤهولون دووارینا، کوره ک لری کؤهولون آغزینا ساری دیر.

کؤهولون گیریشنده یانان اوددان بیز آز ایشیق گلیر،کؤهولون ائشیگین دن گئچن حئیوان لارین،شئی لرین کؤلگه لری دوشور کؤهولون دووارلارینا، اینسان لار آنادان اولاندان گؤردوکلری و دؤنه دؤنه گؤردوکلری بو کؤلگه لری حقیقت و گئرچک سانیرلار.آمما بولار تکجه کؤلگه دیرلر. حتتا بو زیندانی لرین بیری زنجیرلری قیریب گئتسه کؤهولدن ائشییه و گئرچه یی اؤیرنسه: یانی کؤهول بیر قارانلیق زیندان دیر و اینسانلار الی –قولو باغلی زیندانی لردیلر و گؤردوکلری و بیلدیکلری کؤلگه،یوخو و گومان دیر! آنجاق او قاییدیب- گلیب بو گئرچه یی کؤهولون ایچینده کی لره دئسه نه اولار؟ کیمسه اینانماز شاید اونو اؤلدوره لر و یوخ ائلییه لر....

کؤهول یا ماغارا: بو دوغال-طبیعی دونیادیر کی زینداننان عیبارتدیر.گیریشیندن بیر آزاراق ایشیق گلیر آمما قارانلیق بیر یئردیر.

زیندانی لر: بو دونیادا یاشایان اینسانلاریدیلار.آنادان اولاندان بری اللری-قوللاری و بویونلاری زیجیرلره باغلیدیرلار.

زنجیرلر:دؤنه-دؤنه و تیکرارن گؤردوکلریمیز و قبول ائتدیگیمیز عادت-عنعنه لرکی زنجیرکیمی بیزی باغلاییب بیریئره و قویمور بیز اؤز قارانلیق کؤهولوموزدن چیخیب ایشیق دونیاسیندا گئرچه یی تانییاق و آنلایاق.

زنجیرلری قیران بیر زیندانی: فیلسوف ائلییه بیلر عادت و عنعنه دن چیخا ائشییه و بوتون زنجیرلری قیرا و گئرچه یی آنلایا و حتتا گلیب او گئرچه یی کؤهولون ایچینده کی زیندانی لره دییه آمما اونودا شاید سقراط کیمی توتوب اؤلدوره لر نییه کی زیندانی لر گؤزلرین آچیب هرنه یی اوجور گؤروبلر و قبول ائدیبلر و کیمسه اولارا دئسه ایشتباهداسیز شاید مین جور تؤهمت و اینجیمه یینن اوز به اوز اولالار.

افلاطونون کؤهولونون آنلامی، یورومو، اؤنمی و ائتگیسی

  افلاطون کؤهول بنزتمه سین ان آدلیم کیتابیندا(پولوتییا- دؤولت یا جمهوریده) گتیریب.جمهوری ده سورو عدالت نه دیر؟ و کیم گره ک حاکیمت ده اولا؟ گؤستریرکی افلاطون  سیاستدن و سیاست فلسفه سیندن دانیشیر و کؤهول بنزتمه سیده بو سورولار لا باغلی لیغی وار.

بونا ایشاره ائتمه لییم کی افلاطونون فلسفه سی دن اوست- اوسته ایکی اؤنملی  یوروم وار:

1-دینی- عیرفانی یوروم    2- سیاسی یوروم

ایسلاما و مسیحیته باغلی اولان فیلسوفلار و دوشونورلر اورتا عصیرده افلاطوندان بیرعیرفانی- دینی یوروملار اورتا قویموشلار.آمما چاغداش فیلسوفلار،غربده افلاطوندان داها چوخ سیاسی یوروملار ائتمیش لر.

مسیحیته و بیر چوخ عیرفانا،تصووفا باغلی اولانلار بو دونیانی بیر زیندان بیلیرلر و اینسانلاریدا زیندانی سانیرلار  و بوردان قورتاریب قاچاماغا بیر یول آختاریرلار و یا بوردان قورتارماغا بیرینی گؤزله ییرلر...گلیب اولاری بو زینداننان نجات وئرسین.

افلاطون پولوتییا کیتابیندا کیم گره ک حاکمیتده اولا سوروسونون جاوابیندا دئییرکی:

 فیلسوف گره ک حکومت ائلییه.نییه کی او اؤز چالیشماسینین سونوجوندا ائلییه بیلر بوتون زنجیرلری قیریب گئتسن کؤهولدن ائشییه و گئرچگی و دوغرونو آنلاسین و گلیب کؤهولون ایچینده کی لره آنلاتسین.پس فیلسوف گئرچگی بیلدیگی اوچون گره ک حاکمیتده اولسون. ...


برچسب‌ها: غار افلاطون, افلاطونون ماغاراسی, افلاطونون کوهولو, تمثیل غار افلاطون, علیرضا نصیرزاده بکرآباد و فلسفه
+ نوشته شده در  پنجشنبه بیست و نهم خرداد 1393ساعت 11:51  توسط علیرضا نصیرزاده بکرآباد  | 

 

اسلاوُوی ژیژئک (Slavoj Žižek)

 

یازان:

 سوسن نواده رضی   

 

 اسلاووی ژیژئک (21 مارس 1949 لیووبلیانا، سلووئنیا)، سلووئن مارکسیست سوسیولوق (جامعه‌شناس)، فیلوسوف و کولتور تنقیدچی‌سی (منتقد فرهنگی) دیر.

لیوبلیانا، سلووئنیادا (او تاریخ‌ده یوگوسلاوییا-نین بیر پارچا‌سی ایدی) دونیایا گلدی. فلسفه دوکتوراسینی لیوبلیانا-دا آلدی و پاریس بیلی‌یوردوندا پسیکانالیز (روانکاوی) تحصیلی آلدی. غرب اؤلکه‌لری طرفیندن سایقی گؤرمه‌سیندن اؤتورو، سوسیالیست یوگوسلاوییادا چوخ باسقی‌یا معروض قالمادیغینی بیلدیریر. 1990 ایلینده سلووئنیا جمهوریتی باشقانلیغی اوچون سلووئنیا لیبئرال دئموکرات پارتیسی‌نین کاندیدی ایدی.

ژیژئک پوپولئر کولتورون(فرهنگ عامه) یئنی‌دن اوخونماسیندا ژاک لاکا-نین چالیشمالارینی ایستیفاده ائتمک‌له مشهوردور. بو فیکیرلری ده احتوا ائدن سای‌سیز مؤوضوع‌لاردا یازمیش‌دیر: ایدئولوژی، کؤکه‌ن‌دینچی‌لیک (بنیادگرایی)، خوش‌گؤرو، پولیتیک دوغرولوق، کوره‌سل‌لشمه( جهانی سازی)، اؤزنه‌ل‌لیک، اینسان حاق‌لاری، لنین، میت، اینتئرنئت، پوست‌مودئرنیزم، چوخ‌کولتورلولوک (چندفرهنگ گرایی)، پوست- مارکسیزم، دئیوید لینک و آلفرئد هیچکاک. دوشونورون سئودییی و اؤنردییی فیلم‌لر "هئرو"دان توتموش، " قورخونج ایوان"ا قدر چئشیدلی‌لیک گؤسترمکده‌دیر. چاغداش فلسفه‌ده گؤرمزلیکدن گله‌ بیلمه‌یه‌جک قدر اهمیت‌لی بیر آددیر.

 

ساووندوغو ایدئولوژی

 

ژیژئک-ین ایدئولوژیسی اؤزونه اؤزگو (منحصر بفرد) بیر ماتئریالیزم‌دیر. دیالئکتیک ماتئریالیزم گله‌نه‌یی ایچینده قورام (نظریه) یارادارکن، دوشونجه‌نین وار اولان سیستئم‌لری ایچه‌ری‌سینده‌کی داوام‌سیزلیق‌لاری و تضادلارینا وورغولایاراق، اونتولوژی(هستی شناسی) و ائپیستئمولوژی‌ (معرفت‌شناسی)نین چاغداش قورام‌لاری‌ (نظریه‌لری‌) ایله باغلانتی‌لار قورور. دئلؤز و آلئن بادیو کیمی، ژیژئک هم بیلینجین (شعورون) ماتئریالیست تملینه هم ده دوشونجه‌نین "اؤزه‌رکلیک(خودمختارلیق) و یارارلی‌لیغینا" صاحیب چیخان بیر قورام (نظریه) دیله گتیریر.

ژیژئک-ین سون کیتابی، « ‌The Parallax View»، ایندیه قدرکی ان درین اونتولوژیک یوروملاما (تفسیر هستی شناختی) چالیشماسی‌دیر.


برچسب‌ها: اسلاوُوی ژیژئک, Slavoj Žižek, ژیژک ین فلسفه سی, فلسفه اسلاوی ژیژک, آکادمی فلسفه علیرضا نصیرزاده بکرآباد
ادامه مطلب
+ نوشته شده در  چهارشنبه بیست و هشتم خرداد 1393ساعت 14:57  توسط علیرضا نصیرزاده بکرآباد  | 

     

اؤزنه [سوژه] / نسنه [اوْبژه]

یازان:

 ایواز طاها

                                     

بيليمين٭ باشليجا اؤزه­‌للييي «عينيت»­دير. بو نه دئمک­دير؟

انگليسجه ojectivity دئييلن بير سؤز وار. بونا رسمي ديلده   «اوْبيئکتيوليک» دئييلير، فارسجادا ايسه «عينيت». هر کس بللي مئتودلا بير مسئله­ني چؤزمک ايسته­يرکن، باشقا انسان‌لارين چاتديغي نتيجه­يه چاتيرسا عينيته قوْووشموش اوْلور. آيري‌آيري يئرلرده، هانسي زاماندا اوْلورسا اوْلسون، کيمسه سويون نئچه درجه­ده قايناديغيني يوْخلاماق ايسته­سه، «يوٍز» درجه ايله قارشيلاشاجاق. بو «عينيت» دئمک­دير. عينيت اصطلاحي‌نين قارشي­سيندا «ذهنيت»subjectivity  اصطلاحي واردير. آذربايجان جمهوريتينده بونون قارشيليغي اوْلاراق، روسجادان گلمه «سوبيئکتيوليک» دئييميندن فايدالانيرلار. بو ايکي دئييمين کؤکوٍ «سوبيئکت/اوْبيئکت» و يا «ذهن/عين»ـه گئديب چيخير.

 حرفي آنلامدا obyekt «شئي، عين» دئمک­دير، subyekt ايسه «ذهن». فلسفي متن­‌لرده سوژه­‌نين باشليجا آنلامي «تانييان فاعل»­دير، اوْبژه­‌نين آنلامي ايسه «تانينان شئي، ذهنين ديشيندا­کي اشيالار»دير. داها ساده دئسک، دنياني اوْبژه کيمي نظره آلماق اوْلار، انسانين ذهنيني ايسه سوژه کيمي.

غرب دوٍشونجه­سينده بو ايکي دئييمين باشليجا اؤنمي واردير. بيز ديليميزده اوْنلارين دقيق قارشيليغي اوْلاراق بللي بير دئييمدن يارارلانماقدا چتين­ليک چکيريک. بو چتين­ليک اوْرادان ايره‌لي گلير کي، غربين سيناديغي انسان­ـ­طبيعت قارشي دورماسي، يا دا انسان‌ـ‌چئوره ايکي­لييي هئچ­واخت بيزده باش وئرمه‌­ميشدير. ايييرمينجي يوٍزايللييين اوْرتالاريندا گؤروٍن شهريارلا هايدگرين دانيشيق چالاري نه قده‌­ر بيربيريندن سئچيلير. شهريار هله ده طبيعتين قوجاغيندا ياتماق ايسته­يير، طبيعت ايسه اوْنون بئينينده. آمما هايدگر اوٍچون انسان اوْ قده­ر چئوره­دن اوزاقلاشيب کي، طبيعت انسانين مداخله آراجينا چئوريليب، انسان ايسه تئکنولوژي­نين توتالغاسينا [ابزارينا]. بونون اوٍچون، بيز هله ده سوژه/اوْبژه ايکي­لييي­نين چاغيني ياشاماديغيميزدان اوْنلارين ديليميزده قارشيليغي اوْلماييب.

بوٍتون بونلارا باخماياراق هله­‌ليک توٍرک­لرين قوْندارديغي ايکي تئرميني به­‌يه‌­نيريک: «سوژه‌­نين» يئرينه اؤزنه öznə، «اوْبژه‌نين» يئرينه ايسه نسنه nəsnə اصطلاحيني.

اؤزنه، بيلينجي [شعورو]، دويومو و خيال گوٍجو اوْلان وارليغا دئييلير. بعضي فيلوسوف­‌لارا گؤره، اؤزنه ديش دونيايا ضد اوْلان فرددير. (اؤزنه، ديلچي­ليک باخيميندان آنادوْلو توٍرکجه‌­سينده «فاعل» سؤزونون قارشيليغي کيمي ده ايشله­نير.)

آغيرليغي، حجمي، بوْياسي و ماده‌­سي اوْلان هر توٍرلو جانسيز وارليق نسنه‌­دير. نسنه همان شئي­‌دير. هابئله، نسنه اؤزنه‌­نين ديشيندا قالان هر موضوع و فردين انساني گؤروشوندن باغيمسيز اوْلان وارليق­دير. (نسنه ديلچي­ليکده «تمامليق» [مفعول] دئمک­دير.)

٭ “بيليم” اصطلاحيني تجربي علمين، يعني science سؤزوٍنون قارشيليغي کيمي ايشله‌دير‌م.

____________

بو “باش سؤز” بوندان اؤنجه “نئجه یازاق” کیتابیمدا گئتمیشدیر.


برچسب‌ها: اؤزنه [سوژه], نسنه [اوْبژه] و ایواز طاها, ترجمه آثار فلسفی به ترکی, تورکجه فلسفی سوزلر و اثرلر, آکادمی فلسفی علیرضا نصیرزاده بکرآباد
+ نوشته شده در  سه شنبه بیست و هفتم خرداد 1393ساعت 16:39  توسط علیرضا نصیرزاده بکرآباد  | 

 

آلقی /ایدراک(perception)

 

حاضیرلایان:ایواز طاها

 

T. : idrak Lat.: perceptio İng.: perception Fr.: perception Alm.: Wahrnehmung

آلقی گئرچکلییین بسیط آنلامدا اینسان بئینینده یانسیماسی[انعکاسی]دیر.

 فلسفی باخیمدان ایسه، هانسی‌سا نسنه‌یه دیققتی یؤنه‌لده‌رک دویولار یولو ایله اونون بیلیجینه وارماق اوچون فعال سوره‌ج‌دیر. هر بیر نسنه دویولار آراجیلیغی ایله آلقیلانسا دا، آلقی دویوسال ایزله‌نیم‌لردن داها آرتیق بیر شئی‌دیر. بئله کی، کانتا گؤره، ماهیت و رئاللیق آلقی فعالیتی ایله باغلی‌دیر و آلقی سوره‌جینده اؤزنه‌نین یارادیجی رولو واردیر. بو اولمادان دویوم‌لاری بیلینجه اؤتورمک باش توتا بیلمز. اؤزنه‌نین بو رولو او قده‌ر قاباریق‌دیر کی، آلقی‌نین اؤزو بئله آلقی قونوسو اولا بیلر.* هر بیر آلقیدا “آلقی اولایی”، آلقی ایچیمی” و “آلقی نسنه‌سی” آییرد ائدیلیر. آلقی‌لار ایکی یئره بؤلونور: دیش‌آلقی: دیش‌دونیاداکی نسنه‌لره یؤنه‌لن، اونلارلا ایلیشکیلی اولان آلقی؛ ایچ آلقی: ایچ‌دونیانین گئرچکلیک‌لری (روحسال دوروم‌لار، روحسال ائدیم‌لر، روحسال ایچیم‌لر).

دیالئکتیک ماتئریالیزمه گؤره، آلقی اینسان دیشینداکی نسنل [عینی] عالمین اونون دویوم عضولرینه، بئینینه ائتکیسیندن یارانان انعکاس سوره‌جی‌دیر. اینسان‌لار آلقی گئدیشینده ألده ائدیلن حقیقت‌لرین آراجیلیغی ایله عالمی درک ائدیر، یئری گلدیکده ایسه اونو اؤز دیلک‌لرینه اویغون دییشدیریر.**

_______________

 * فلسفه‌ده وارلیق باره‌سینده تعلیم اونتولوژی آدلانیر، آلقی باره‌سینده تعلیم ایسه ائپیستئمولوژی [رسمی دیلده: قنوسئولوگییا].

** بو، مارکسین مشهور سؤزوندن آلینمیشدیر: بوندان اؤنجه فیلوسوف‌لار دونیانی آلقیلاماغا چالیشیردیلار، بوندان بئله بیز اونو دییشدیرمه‌یه چالیشاجاغیق.

سؤزلوک:

دیش آلقی: ادرک خارجی / سورج: فرآیند، پروسه / گئدیش: فرایند، پروسه / آراج: واسیطه /نسنل: اوبیئکتیو، عینی / ایچیم: مضمون، content /ائدیم: کردار.


برچسب‌ها: ترجمه آثار فلسفی به ترکی, آکادمی فلسفه, علیرضا نصیرزاده بکرآباد, معادل ترکی اصطلاحات و واژه های فلسفی
+ نوشته شده در  سه شنبه بیست و هفتم خرداد 1393ساعت 16:31  توسط علیرضا نصیرزاده بکرآباد  | 

 

هایدگئر؛ شعرسل دیلله دانیشان فیلسوف

 آغالار ممداوو

حاضیرلایان: سوسن نواده‌رضی



بؤیوک کتاب او کتاب دیر کی، اوخونوب قورتاردیقدان سونرا یئنیدن باشلانیر، اوخوجوسونو هر اوخونوشدا یئنی یول آیریجلارینا گتیریر، قاتباقات آچیلیر.

     مارتین هایدگئر (1889-1976) ایگیرمینجی یوزایلده ان چوخ کتابی چاپ اولموش مؤلف دیر. اونون اؤزونون 1973-نجو ایلده حاضیرلادیغی لیست‌ده کتابلارینین سایی یوز جلد گوستریلمیشدیر. بو تقریبا اوتوز مین صفحه دئمکدیر. اونون فعال یارادیجیلیق دؤورو نه آز، نه چوخ آلتمیش ایله (1912-1970) یاخیندیر.

     بو مقاله‌ده آلمان متفکری هایدگئر-ین فلسفی قاورامی یوخ، اونون اساسا کتاب آنلاییشی ایله ایلگیلی گوروشلرینه توخونولاجاق؛ او جمله‌دن اونون نئجه اوخوماسیندان، مطالعه‌ده اساسا کیملره اوستونلوک وئرمه‌سیندن، نئجه کتابلار یازماسیندان، کتابلارینین نئجه اولماغینی ایستمه‌سیندن، بونلاردان علاوه دیلیندن، اسلوبوندان و س...سؤز آچیلاجاقدیر.

     انسان اؤنجه اوخوماغی، سونرا یازماغی اؤیرنمیشدیر. انسانلار اول گوی اوسونو اوخویوب اقلیمی بئلیرله‌میش،  اولدوزلارین دوزولوشونو اوخویوب، یؤنو آختاریب تاپمیش، ایزلری و لپیرلری اوخویوب اُوون یئرینی دقیق‌لشدیرمیش، یا خود دا تهلکه‌دن یایینا بیلمیشدیر. بو تاریخی مقامین، مجاری ده اولسا، چوخ ماراقلی معناسی اوندان عبارتدیر کی، انسان اوخومادان یازا بیلمه‌میشدیر و بیلمز.


برچسب‌ها: هایدگئرین فلسفه سی و دوشونجه سی, هایدگئر و شعر, هایدگر و دیل, زبان, آکادمی فلسفه علیرضا نصیرزاده بکرآباد
ادامه مطلب
+ نوشته شده در  سه شنبه بیست و هفتم خرداد 1393ساعت 15:31  توسط علیرضا نصیرزاده بکرآباد  | 

 

اوشو-نون فلسفه‌سی 

 

حاضیرلایان:

سوسن نواده‌رضی 

 

 سن جوابلاری ازبرله‌ییرسن، آما حیات هئچ واخت عینی سوالی تکرارلامیر.

*اونوتما! نه زمان کی، سئچیم قارشیسیندا قالسان، او زمان بیلینمه‌یه‌نی، ریسکلی، تهلکه‌لی و گووه‌نسیز اولانینی سئچ. اوندا هئچ واخت زیان گورمزسن.

*سئو و داها آرتیق سئو، آجی چک و داها آرتیق آجی چک، بوتؤولوکده سئو و بوتؤولوکده آجی چک. چونکی صاف اولمایان قیزیل بیله بو یوللا آتشدن کئچه‌رک صاف قیزیلا چئوریلیر.

*بیری‌نین سهوی اوزوندن اؤزونو جزالاندیرماق آحماقجا بیر آددیم دیر.

 *بوگون، موجود اولان هر شئی دیر؛ ایندی سنین وار اولدوغون، هر زمان وار اولاجاغین یگانه زمان دیر. یاشاماق ایسته‌ییرسن‌سه، یا ایندی اولاجاقع یا دا هئچ واخت اولمایاجاق.

*ائگو(اؤز) بیر بوز داغی دیر. اونو اَریت. اونو‌ درین بیر سئوگی‌نین ایچینده اَریت، بئله‌لیکله او یوخ اولسون و سن، اقیانوسون پارچاسی حالینا گل.

* جسور دئییلسن‌سه، صمیمی اولا بیلمزسن. جسور دئییلسن‌سه، سئوه بیلمزسن. جسور دئییلسن‌سه، گووه‌نه بیلمزسن. جسور دئییلسن‌سه، حقیقتین آردینجا گئده بیلمزسن. بو سببدن ایلک اول جسارت گلر و دیگرلری اونو ایزله‌یر.

*هر زمان نه وارسا اونو گؤر. تلسمه. بیر شئیی یانلیش آنلاماقدانسا، آنلاماماق داها مقبول دور.

*یاشام کیچیک شئیلردن اولوشار. سن سئورسن‌سه، اونلار بؤیوک اولارلار.

 *اونوتما، بئیین بیر قول اولاراق چوخ یاخشی بیر قول‌دور. چوخ ایشینه یارا. آما بیر صاحب اولاراق تهلکه‌لی‌دیر و بوتون یاشامینی زهرله‌یر.

*نه فرقی وار کیم گوجلو، کیم عاغیللی، کیم گؤزل، کیم وارلی دیر؟ سونوجدا اؤنملی اولان، انسان خوشبخت دیر می یا یوخ.

*خوشبختلیک سیزین اولدوغونوز یئرده دیر، سیز هارداسینیزسا، خوشبختلیک ده اوردادیر. او سیزی چئوره‌له‌ییر و او، طبیعی قاورام دیر. او هاوا کیمی، سما کیمی دیر.

 *اوره‌گی ایله باغلانتیسینی ایتیرمیش انسانا تجربه‌لی دئییلیر.

 *مندن ده باشقالاری کیمی استفاده ائتمک ایسته‌ییردیلر، آنجاق اؤنجه‌دن اؤزوم اوچون کشف ائتدیم کی، منی جنته ایته‌له‌سه‌لر بیله، راضی اولمایاجام. اؤز ایسته‌ییمله جهنمه گئتمه‌یه بیله راضی‌یام. ان آزیندان بو منیم سئچیمیم دیر.

قایناق:

 http://www.anlam.biz/?p=16828

 


برچسب‌ها: اوشو و فلسفه, اوشونون تورکجه ترجمه لری, اوشونون عرفانی و دوشونجه سی, افکار اوشو, آکادمی فلسفه علیرضا نصیرزاده بکرآباد
+ نوشته شده در  سه شنبه بیست و هفتم خرداد 1393ساعت 15:8  توسط علیرضا نصیرزاده بکرآباد  | 

 
                
                 بوتون فلسفه چيلره اورک سؤزلريم

                                          

                                           آیدین علیزاده

                                             کوچورن:

                                         علی دهقانی آذر

 
 
سيز، اي منيم چاليشما آرخاداشلاريم، اؤزونوزو فلسفه چي ساياراق، فلسفي يازينلاري يازماغينيز اوچون اؤدول ايسته ييرسينيز، ماعاشلارينيزين آرتيريلماماسيندان، آغير ياشاملارينيزدان گيلئيله نيرسينيز. سيزه ياخشي قازانج وئرسه لر، فلسفي يازينلار يازاجاغينيسي سانيرسينيز! "ياخشي ماعاش آلسايديق يوکسک فلسفه سرگيله يه رديک" دئييرسينيز. سيزي ائشيدن دونيا فلسفي ايرثينه گيره جگينيزي سانا بيلردي.

آنجاق اؤدولون اولماماسي، يا دا آز اولماسي فلسفه چيليک ائتمک، يازين يازماق اوچون انگل اولا بيلرمي؟ ائوت، نووه فيزيکاسي آلانيندا چاليشان بيلگي نين اوجرتسيز، پاراسيز ايشله مز. رياضياتچي دا داريخديريجي سايلار اوزرينده پاراسيز ايشله مز. آنجاق فلسفه چي نين اونا پول-پارا وئريلمه سه  فلسفه چيليک ائتمه مه سي دئييمي چوخ گولمه لي و آنلاشيلمازدير. بو نئجه اولا بيلر؟ آخي، فلسفه بير روحي دورومدور، بيلگه ليکدير، آردي-آراسي کسيلمه يه ن دوشونجه لره، ياراديجيليغا چاغيريشدير. دوغرولوقدا، فلسفه اينسان اورگي نين ايچيندن چيخير، ماددي ايستکلردن آسيلي اولا بيلمز. هر کس، دوغرولوقدا فلسفه چيديرسه، اونا پارا وئريلسه ده وئريلمه سه  ده، دوشونه رک يازيب-يارادير، اورژينال دوشونجه لر ايره لي سورور، هاميني ايلگيلنديره رک يئنيليک وئرير. بونو ائتميرسه، دئمه لي فلسفه چي دئييل.

بيلگه ليکله اينجه دوشونجه، پارانين خيشيلتيسي ايله چيخا، خيشيلتيسيز ايسه چيخمايا بيلمز. اؤزونو فلسفه چي آدلانديران کس، پارانين اولوب-اولماماسيندان آسيلي اولماياراق، درين و هر کسي ايلگيلنديرن آکتوال، ائلجه ده اورژينال يازينلار يازميرسا، دئمه لي دوغرولوقدا او فلسفه چي دئييل، دئمه لي اونون روح يوکسکليگي يوخدور. اونا ياخشي پارا وئريلسه بئله، هئچ بير ديرلي يازين يازا بيلمز، بيلگه دوشونجه اورتاليغا قويا بيلمز. او آنجاق بونو ائده جگيني سؤزده دئيير، بو بوش سؤيلنتيدن باشقا بير شئي دئييلدير. دوغرولوقدا او کس فلسفه چي دئييلدير، اونون بو آدي داشيماق اوچون دوغادان وئريلميش اؤزلليگي، دوشونجه دورومو يوخدور.


برچسب‌ها: فلسفه چی, فلسفه تورکجه, تورکجه فلسفه, آذربایجاندا فلسفی اثرلر, فلسفی دوشونجه
ادامه مطلب
+ نوشته شده در  دوشنبه بیست و ششم خرداد 1393ساعت 16:28  توسط علیرضا نصیرزاده بکرآباد  | 

 

  اومبئرتو اکو و پست مودئرنيزم فلسفه سي

                                          كوچوره ن و حاضيرلايان:

                                                علي دهقاني آذر

 

نرمين کامالين "اومبئرتو اکو و پست مودئرنيزم فلسفه سي" کيتابي ايشيق اوزو گؤروب. مؤليفين کيتابا يازديغي اؤن سؤزو تقديم ائديريک:

کيتابين آدينداکي هر ايکي آچار-سؤز – اومبئرتو ائکو و پست مودئرنيزم فلسفه سي 20-نجی عصرین ايکينجي ياريسي نين حاديثه لريدير، دئمه لي، زامانجا موعاصيرلريميزدير. پست مودئرنيزم - آوروپا فلسفي، بديعي-ائستئتيک (زيبائي شناسي) دوشونجه تاريخينده کئيفيتجه يئني مرحله ساييلير. بيزيم غربه دوزگون ياناشماميز يالنيز اونون کلاسيک سيستئملري چرچيوه سينده قالا بيلمز، غربه نئجه وارسا، اولدوغو کيمي ياناشماميز اوچون اونون ان يئني ايدئيالاريني، ان يئني دونياگؤروشونو اؤيرنمه لي و ديقته آلماليييق.

اومبئرتو ائکو بو فلسفه نين داها چوخ آکادئميک قانادينا مخصوص بير دوشونجه آداميدير. او، چوخونوزا "قيزيل گولون آدي" (بو كيتاب 1374-نجي ايلده شهرام طاهري نين ترجومه سي ايله فارس ديلينده يايينلانيب) رومان- رساله سي ايله تانيشدير. اومبرتو ائكو، پست مودئرنيزم فلسفه سي نين بانيلريندن بيري کيمي، اونون حاضيردا حياتدا اولان آزسايلي نوماينده لريندندير. 2-نجي دونيا موحاريبه سيندن سونراکي فيلوسوفلار نسلي نين سون نوماينده لريندن بيري اولاراق ائکو اؤز ايدئيالاري ايله ياشاديغيميز دونيايا بيرباشا تاثير گؤسترمک گوجونده اولان شخصيت، مدنيتلر آراسي اوفوقي ديالوگ، چوخ کولتورلولوک، اينسان سئورليک (هومانيزم)، باريش کيمي بشري اؤنملي مؤوضوعلاردا آپاريجي دوشونجه نين سيمبولو ساييلان بير ايدئولوقدور. هر بير ايدئيا جريانينا قارشي اولدوغو کيمي پست مودئرنيزمه ده موناسيبت بيرمنالي دئييل. اومبرتو ائكو يازير: بيزيم دؤوروموزده پست مودئرنيزم تئرمينينه آوروپادا هر دفعه نييسه تعريفله مک ايسته ينده موراجيعت اولونور. يعني بو تئرمين بير نؤوع "ياخشي" سؤزونون سينونيمينه (مترادف) چئوريليب. کئچميش سووئت اؤلکه لرينده و آذربايجاندا ايسه عکسينه (بو ايدئياني منيمسه ميش آز سايدا اينساني چيخماقلا)، او داها چوخ نئگاتيو-ايرونيک شکيلده يوروملانير. پست مودئرنين قبول اولونماماسي نين سببي اونون مدنيتين آليشيلميش ائستئتيک ماهيتي و اؤلچولريني داغيدان ويروس کيمي تفسير اولونماسيدير. لاکين بيزيم مقصديميز علمي بير ياناشما اولدوغوندان، بو باشدان منفي کؤکلنميش رأي لره اؤنم وئرمه دن مساله لرين ماهيتينه وارماليييق. سون بير نئچه ايلده پست مودئرنيزمين كوچه مه سي نتيجه سينده بو فلسفه مؤوضوسوندا موذاکيره لر و تجربه لر آوروپادان روسييا و تورکييه يه، اورادان ايسه آذربايجان جمعيتينه، خوصوصاً بديعي اوسلوب کيمي ادبيات و صنعت ساحه لرينه داخيل اولوب. آنجاق آذربايجاندا بو موذاکيره و امتاحانلار اساسلانديغي هئچ بير فلسفي-علمي تدقيقات اولماديغي اوچون، همين بديعي چاليشما و دارتيشمالارا بير کور-کورانه ليک خاصدير. پست مودئرنيستلر مزارلاري تحقير ائدنلر، وامپيرلر، اؤزونو تصديق ائده بيلمه ين قرافومانلار، ائستئتيکاني ائتيکادان اوستون گؤرنلر، اخلاقسيزلار، "مودئرنيزمسيز پوستلار" و ... کيمي قيناقلارلا سيخيشديريلير. آذربايجاندا موعاصير ادبي پروسئسي ايزله ينلره معلومدور، بيزيم اؤلکه يه پست مودئرنيزم موذاکيره لري سون اون ايلده ادبيات دهليزيندن آياق آچاندان سونرا مطبوعاتدا چوخلو غئيري-پئشه کار (غير حرفه اي) تنقيدله قارشيلانيب، ايلک آشامادا دومانلي بير ايماژ قازانيب. لاکين، پست مودئرنيزمي آذربايجاندا ايلک دفعه فلسفه ساحه سينده علمي تدقيقاتا چکرکن، اونا جيدي حاديثه کيمي ياناشديغيمي، بو گون دونيا ائنسيکلوپئدييالاريندا (دانش نامه) پست مودئرنيزم کلمه سي نين قارشيسيندا "موعاصير فلسفه و اينجه صنعتين اساس ايستيقامتي" کيمي سانباللي تعيينلر يازيلماسيني نظره آليب، اونا غرب فلسفه و بديعي تفککورونده گؤستريلن جيدي موناسيبتي داوام ائتديرديگيمي بورادا ايفاده ائتمک ايسته ييرم. آبش (آمريكا)، آوروپا علمي دايره لرييله تانيشليق سيراسيندا اونلاردا مودئرنيزم و پست مودئرنيزم فلسفه سي اوزره ايختيصاصلاشان عاليملر اولدوغونو گؤروروک. پست مودئرنيزم سرلؤوحه سي آلتيندا اونلار پست مودئرن دونيا گؤروشو، پست مودئرن فئمينيزم، پست مودئرن ائستئتيکا، پست مودئرن لينقويستيکا (ديلچي ليك) کيمي بير چوخ ساحه لرده تدقيقات آپاريرلار. "پست مودئرن" سؤزو غرب عاليمي اوچون مورککب آچار-سؤز، کونسئپسييا (ادراك)، خوصوصيله بيزيم کيمي اؤلکه لري آنلاماق فونکسيياسي (تابع، كاركرد) يئرينه يئتيرديگي حالدا، بيزيم يئرلي آوديتورييادا (حسابرس) بو سؤز آنلاشيلماز آسسوسساسييالار دوغورور. بيز کئچيد دؤوروندن دانيشيريق، بو دؤورون بوتون پروبلئملريني ياشاييريق، دونيانين ويرتواللاشديغيني (مجازي، غير واقعي)، اينفورماسييا حاکيميتي دؤورونون باشلاديغيني گؤروروک و حيسس ائديريک کي، عنعنه وي بينار دونيا گؤروشوموز، خئيير و شر، حاقيقت و يالان آنلاييشلاريميزلا بو دؤورو دينديره بيلميريک، ائله ايسه عنعنه وي خئيير-شر، آغ-قارا، حاقيقت-يالان – آنلاييش آپاراتيميزين اؤزونده دييشيکليک ائتمک، مووافيق کئچيد دؤورو فلسفه سي کيمي پست مودئرنيزمي منيمسمه ليگيک.

آذربايجان پست مودئرنيزمين فيکير بوداقلاريندان اولان، 1970-جي ايللرده مئيدانا چيخميش پستکولونياليزمين (پسا استعماري) ماراق دايره سينه داخيلدير.


برچسب‌ها: اومبرتو اکو, آکادمی فلسفه آذربایجان, پست مدرن فلسفه, فلسفی ترجو مه لر و فلسفی چئویرمه لر, ترجمه آثار فلسفی به ترکی
ادامه مطلب
+ نوشته شده در  دوشنبه بیست و ششم خرداد 1393ساعت 16:5  توسط علیرضا نصیرزاده بکرآباد  | 

 

                                  مارتین هایدگئر، دیل و شئعر

رامین جبارلی

 سون یوزایللیک‌لرده باشقا دؤنم­لرله موقاییسه­ده دیله اولان باخیشدا بؤیوک بیر دَییشیم گؤزه چارپیر. 19- جو یوز ایللییه­دک، دیل، فیکیر چاتدیرماق اوچون بیر آراج اولاراق دَیَرلندیریلیردی. 19-جو یوزایللیکدن اؤنجه دیلین دوشونجه­ده­کی رولوندان و دوشونجه­نین قوروجو عامیل‌لریندن اولدوغو حاقدا بیر گؤروشون اورتادا اولدوغونو گؤرموروک. اولا بیلسین بیز بو گون هانسی­سا کیلاسیک شاعیرلریمیزده و یا دوشونرلریمیزده دیلله باغلی بیر شئعر و یا جومله ایله اوزلشه ده بیلریک، آما بو او دؤنم‌لرده اونلارین دیلین دوشونجه‌ده‌کی قوروجو رولو حاقدا اولان فیکیرلر دئییل. بیزیم بو گون دیله اولان باخیشیمیزلا او متن­لردن اولان یوزوموموزدور یالنیز . دیلین دوشونجه­نی ائتکیله­دییینی وورغولایان و ائله­جه ده فلسفه­سینده دیلین اؤنملی یئری اولان فیلوسوف‌لاردان بیری ده مارتین هایدگئردیر.

 اؤیرنجی­لرینی و اؤزوندن سونراکی فیلوسوف‌لاری دا دریندن ائتکیله­ین هایدگئرین آردینجا هانس گئورگ قادامئر و بیر سیرا باشقا فیلوسوف‌لارین دا دیل فلسفه­سی حاقدا باخیشلارینی و هایدگئرین ایزینی، بلکه ده داوامینی گؤرمک مومکوندور.

بو باخیمدان هایدگئرین دیله اولان باخیشلاری دیل فلسفه­سینده بؤیوک بیر یئر توتماقدادیر. دیل- وارلیق باغلانتیلاری، دیل- دوشونجه باغلانتیلاری هایدگئرین دوشونجه­سی اساسیندا بیر- بیری ایله سیخ ایلگیده­دیر .

 هایدگئرین دوشونجه­سینه گؤره هر دیل اؤزونه اویغون دوشونجه­لری اؤزونده یارادیب و بو یوللا دیل، دوشونجه­ده ائتکیسینی بوراخا بیلیر. هر دیلین اینسانا وئردییی دونیاگؤروشو اولور و اؤزنه­ل[ذهنی] اولاراق او دیلده یاشایانلاری فورمالاشدیریر. بونون اوچون ده فرقلی دیللر ائتکیسی سونوجوندا، دیله اویغون دوشونجه­لر ده اولوشور. هایدگئر بونو نظره آلاراق اسکی یونان فلسفه­سی خریستیانلاشمیش لاتین دیلینده اولدوغو کیمی باشا دوشوله بیلمز، اسکی یونان فلسفه­سینی اسکی یونان دیلی ایله باشا دوشمک اولار دئییردی. بو هم ده دیلین فرقلی دؤنم‌لرده یاشادیغی اولایلارین دیلده یانسیماسی و دیلین، او دیلده یاشایان اینسانلارین دوشونجه و باخیشلارینا بوراخدیغی ایزین گؤستریجیسیدیر.


برچسب‌ها: هایدگر و دیل, هایدگر و دوشونجه, هایدگر و شعر, هایدئگرین فلسفه سی, ترجمه آثار هایدگر به ترکی
ادامه مطلب
+ نوشته شده در  دوشنبه بیست و ششم خرداد 1393ساعت 10:23  توسط علیرضا نصیرزاده بکرآباد  | 

                                                 

                 فلسفه و حکمت در تبریز؛ آنچه بود، آنچه هست

 

     گفتگوي  با حسن اسدي تبريزي ،سردبير مجله اشراق و پژوهشگر در حوزه فلسفه


- براي شروع لطفا به پیشینه فلسفه و حكمت در تبریز اشاره كنيد.
در پاسخ به این سئوال اگر از پیشینه فلسفه و حکمت در آذربایجان سخن بگوییم وضع به گونه ای خواهد بود و اگر از پیشینه حکمت و فلسفه در تبریز سخن بگوییم وضع به گونه ای دیگر خواهد بود. در آذربایجان از قرن ششم هجری می توانیم رد پای فعالیت های فلسفی را بیابیم.
 
در این قرن شيخ شهاب الدین سهروردی مشهور به شیخ اشراق را داریم که متولد سهرورد نزدیک زنجان است و به حوزه جغرافیایی آذربایجان تعلق دارد. همچنین قرائنی در دست داریم که در این قرن در مراغه حوزه فلسفی وجود داشته است؛ شهاب الدین سهروردی و فخرالدین رازی در این قرن به مراغه رفته و در حوزه درسی مجدالدین جیلی (اهل گیلان) شرکت می کنند و این نشان می دهد که در مراغه حوزه فلسفی وجودداشته است چرا که دو تن از نام داران حکمت و کلام یعنی سهروردی و فخر رازی جهت تحصیل این شهر را انتخاب می کنند. از زندگی و موقعیت علمی مجدالدین جیلی چیز زیادی نمی دانیم اما چون دو شخصیت بزرگ جهان اسلام به محضر درس وی شتافته اند می توان چنین استنباط کرد که موقعیت علمی وی برجسته بوده است.

از قرائن دیگر بر وجود حوزه فلسفی در مراغه وجود مجموعه ای خطی است که در فاصله سال های ۷-۵۹۶ در مراغه کتابت شده است. در این مجموعه خطی حدود بیست رساله فلسفی و منطقی از ابوحامد غزالی، ابن سینا، مجدالدین جیلی و دیگر حکما گردآوری شده است. این مجموعه ی خطی چند سال پیش تحت عنوان« مجموعه فلسفی مراغه» به کوشش و با مقدمه دکتر نصرالله پورجوادی از طرف مرکز نشر دانشگاهی منتشر شد، ولی متأسفانه تاکنون از سوی محققان و پژوهشگران مورد توجه جدی قرار نگرفته است و در مورد رساله های مندرج در آن تحقیق و بررسی کافی نشده است. 


برچسب‌ها: وضعیت فلسفه در تبریز و آذربایجان, جایگاه فلسفه درآذربایجان, آکادمی فلسفه آذربایجان
ادامه مطلب
+ نوشته شده در  یکشنبه بیست و پنجم خرداد 1393ساعت 13:20  توسط علیرضا نصیرزاده بکرآباد  | 

  

                                         قیرمیزی عاغیل  (عقل سرخ)

شیخ شهاب الدین سهروردی

     اویغونلاشدیران: همت شهبازی

 

    جیلدین اوز قابیغی: سهند شهبازی (7 یاشیندا)

ناشیر:  الکترون کیتاب  www.dusharge.blogfa.com

نشر ایلی:1393 

 

بورادان یوکله یین:(دانلود)

http://s5.picofile.com/file/8124923950/qirmizi_aqil_sohrverdi.pdf.html


برچسب‌ها: قیرمیزی عاغیل ترجمه ترکی عقل سرخ شیخ شهاب الدین, ترجمه آثارفلسفی به ترکی, تورکجه فلسفی اثرلر و ترجومه لر, آکادمی فلسفه, علیرضا نصیرزاده بکرآباد
+ نوشته شده در  یکشنبه بیست و پنجم خرداد 1393ساعت 12:42  توسط علیرضا نصیرزاده بکرآباد  | 

 

"مدرنیته و مدرنلیک" کیتابی  یاییملاندی 

 اویغونلاشدیران : همت شهبازی 

چاپا حاضیرلایان: سعید موغانلی/ گرافیست: رضا غفاری(آتیلا دورباشلی)/ بیرینجی چاپ: قیش 1392/ پردیس دانش یاییم ائوی  (174 صحیفه‌ده) 



همت شهبازی طرفیندن اویغونلاشدیریلان "مدرنیته و مدرنلیک" کیتابی، مدرنیزم قونوسونو چئوره‌ین توپلو مقاله‌لردیر. کیتابا دونیانین آدلیم یازارلاری‌نین یازیلاری داخیل ائدیلیبدیر. کیتابدا یئرلشن مقاله‌لر، اساسن مدرنیزمین توپلومسال و یازینسال بویوتلارینی (ابعاد) آچیقلاییر. بو باخیمدان “مدرنلیک” بیر آخیم (مکتب) اولاراق “مدرنیزم” قارشیلیغیندا، “مدرنیته” ایسه، بعضی اؤزللیک‌لرینه گؤره رونئسانس و رومانتیزم آخیمیندان فرقله‌نن بیر سورج کیمی کیتابدا نظرده توتولوبدور. یعنی مدرنیته عمومیتله بیر دورومدورٰ بیر چاغدیر. بو دوروم و چاغدا انسان اؤزونو و توپلومسال گلیشیمینی ایره‌لی سورور. مدرنیزم ایسه، بو چاغی و دورومو یارادان آخیم و چئشیدلی حرکت‌لرین سیمگه‌سی‌دیر. بئله‌لیکله کیتابدا اوچ سؤز بیر کؤکدن اولماسینا باخمایاراق هر بیریسی اؤزونون اؤزللیک‌لری ایله سئچیلیرلر. بونا گؤره "مدرن"، "مدرنلیک= مدرنیزم" و "مدرنیته" بیر بیریندن فرقلی قاوراملار کیمی کیتابدا چئشیدلی سورجده آچیقلانیرلار. کیتابین چئوره‌دییی قونولارین آغیرلیغینی نظره آلاراق حتتا پروفسیونال اوخوجلار اوچون چتین‌لیک تؤره‌دن بیر سیرا اصطلاحلارین ایشلنمه‌سینه شاهید اولاجاقسینیز. بونو نظره آلاراق هر بیر تئرمینین ایلکین قوللانماسی‌نین قارشیسیندا او تئرمینین آنلامی [ ] آراسیندا وئریلیبدیر. بو آنلاملار بعضن تورکجه، بعضن فارسجا وئریلیبدیر. بوندان مقصد یالنیز تئرمینین هر نئجه اولورسا اولسون آنلاشیلاسی اولماسی نظرده توتولوبدور. 

کیتابدا گلن مقاله‌لرین عنوان و یازارلاری بونلاردیر:

• گله‌نک و مدرنلیک : حیلمی یاووز
• مدرنلیین باشلانغیجی : علی آکای
• مدرنیزم : گوردون مارشال
• “آیدینلانما نه‌دیر؟” سورغوسونا جواب : ایمانوئل کانت
• مدرنلشمه سورَجی‌نین ائورنسل اؤز‌للیک‌لری: دوکتور جمیل اوکتای
• مدرنلیین اؤزللیک‌لری و گلیشمه‌سی : ایلهان‌ تکلی
• مئتروپول آلغیلاری و مدرنیزمین دوغوشو : رایموند ویلیامز
• اؤزگه‌لشمه، صنعت و فلسفه: نیلسون اوراللی
• مدرنیته‌نی یئنیدن آلغیلاماق: ایدئولوژی‌سیزلشمه : علی آکای
• مدرنلیک: دونن، بوگون و صاباح : مارشال بئرمان
• مدرن یانیلسامالار و اؤزگورلوک پارادوکسو: رمضان قایا
• ایره‌لیلَمه و ایکینجی مدرنلیک : احمد اینسل
• مدرنیته: سونا وارمامیش بیر سورَج : یورگئن هابئرماس

کیتابین یاییم مرکزلری:

 -پارس‌آباد (موغان) شهری:

  1-تراختور (پاشاپور) کیتاب ساتیش ائوی 7232320- 0452

2- دانشجو کیتاب ساتیش ائوی  

 -خییوو (مشکین شهر): دنیز کیتاب ساتیش ائوی  

 -اورمو شهری:   بوتا یاییم ائوی   ۰۴۴۱ -۲۲۲۱۷۷۶

-تهران: خ انقلاب- اندیشه نو (فرزانه)

- تبریز: 

17شهریورمیدانی -اطلس پاساژی-پ3-09141051698}

اختر  یایین ائوی 


برچسب‌ها: ترجمه آثار فلسفی به ترکی, آکادمی فلسفه, علیرضا نصیرزاده بکرآباد, فلسفه به زبان ترکی, تورکجه فلسفی اثرلر و دوشونجه لر
+ نوشته شده در  یکشنبه بیست و پنجم خرداد 1393ساعت 12:33  توسط علیرضا نصیرزاده بکرآباد  | 

 

مارتین هایدگئر: “دیل وارلیغین ائوی‌دیر”

 حاضیرلایان: سوسن نواده رضی

ماربورگ و فرئیبورگ اونیوئرسیته‌لرینده پروفئسور اولاراق گؤرئو داشییان آلمانلی فیلسوف مارتین هایدگئر (1889 – 1976)، ایگیرمینجی یوزایللیکده ان چوخ دارتیشیلان فیلسوفلاردان بیر دیر. وار اولوشچو فلسفه‌نین اؤنده گلن آدلاریندان دیر.

 آنجاق نازی حزبی‌نین رسمی اویه‌سی اولماسی، نازی ایدئولوژیسینه اویقون اولاراق رئیسی اولدوغو اونیوئرسیته‌ده بوتون دموکراتیک یاپیلاری اورتادان قالدیرماسی، شهرتینه چوخ قارانلیق بیر کؤلگه سالماقدادیر. هایدگئر باشلانقیجدا کاتولیک تئولوژیسی اؤیره‌نیمی گؤردو. سونرا فلسفه‌یه یؤنه‌لدی و دؤنم- دؤنم آسیستانلیغینی ائله‌دییی هوسئرل-ین فنومنولوژیسیندن (پدیده شناسی) دریندن ائتکیلندی. یاشامینین بؤیوک حیصه‌سینی قارااورمانلاردا کئچیرتدی. فئلدبئرگ-ین اتکلرینده یییه‌سی اولدوغو کیچیک بیر کلبه‌ده یاشاماقدان خوشلانیردی. بو اوچ نقطه، گله‌جکده گلیشدیره‌جه‌یی فلسفی گؤروش‌لرین آنلاشیلماسی باخیمیندان اهمیتلی دیر. هایدگئر آلمان واراولوشچولوق فلسفه‌سینین اولیه تمثیلچیلریندن بیری ایدی.

 “وارلیق و زمان” آدلی باش اثرینده “وارلیغین آنلامی”نی سورغولاییر و بو سورغونو انسانی “وارلیغین”‌ندنینی آراشدیرماغا یؤنلندیریردی. آپاردیغی فلسفی چالیشمالاردا استادی هوسئرل‌-ین و فنومنولوژی فلسفه‌سینین تاثیرلری آچیق بییر شکیلده گؤرولمکده دیر. او گونه دک فلسفه‌نین خارجینده قالدیغی دوشونولن بیر چوخ قاورامی فلسفه‌یه داشیدی. قایغی، سیخینتی، ماراق، اؤلوم و قورخو بو قاوراملارین بیر نئچه‌سی دیر.

 هایدگئرین واراولوشچو دوشونجه‌سینه گؤره، انسان بو دنیایا ائله‌جه بوراخیلمیشدیر. بو بوراخیلمیشلیق فکری بیر نئچه یؤندن واراولوشچو فلسفه‌نین اساسی استدلال‌لارینی سوردورور و درینلشدیریر. واراولوشا بوراخیلمیشلیغی ایله انسان، اصلینده اؤز وارلیغینی اولوشدورما اؤزگورلویونه، مجبوری اولاراق بوراخیلمیشدیر. آمما باشلانقیجدا، بوراخیلیشین اؤزو بیر اؤزگورلوک یوخلوغودور- سونداکی اؤلومون قاچینیلمازلیغی کیمی. انسان، واراولوشون اورتاسینا ائله‌جه، اوردا- بیر- وارلیق- اولاراق (دازاینDasein) آتیلمیشدیر. بو بیر ترجیح یا دا سئچیمین سونوجو دئییلدیر. و انسان، بو بوراخیلمیشلیق ایچینده ترجیح‌لر و سئچیملری ایله اؤز یاشامینی ایره‌لی‌یه دوغرو قورار. بورادا مجبوری بیر اؤزگورلوک تجربه‌سی سؤز قونوسودور. انسان اؤز وارلیغینی گئرچکلشدیرمک اوزره سورکلی سئچیملر و ترجیحلر یاپماق دوروموندادیر، یعنی اؤزگورلویونو گئرچکلشدیرمک مجبوریتینده دیر. تا کی اؤلومونه قدر.

هایدگئرین فلسفه‌سینده اؤلوم فکری، بو باخیمدان اؤنملی بیر یئر توتار. انسان بوراخیلمیشلیغیندا اؤلومه یازغیلی‌دیر و واراولوشونو بونا گؤره گئرچکلشدیرمه‌لی دیر. هایدگئر آیریجا، کلی حالدا سؤیلنه‌جک اولورسا، تکنولوژی‌نین گلیشیمی ایله بیرلیکده شکیلله‌نن دونیانی تنقید ائتمه‌یه یؤنلمیشدیر. بو اوزدن هانسیسا چئوره‌لر طرفیندن، ائرکن دؤنم بیر “یاشیلچی” اولاراق دا گؤرولمکده دیر. آیریجا دیل قونوسونو دا فلسفه‌یه تمل بیر کاتئگوری اولاراق سوخموشدور. اونون بوتون فلسفی کاتئگوری‌لری دیل سایه‌سینده ایشلرلیک قازانیر. “دیل، وارلیغین ائوی‌دیر” دئمکده دیر.


برچسب‌ها: هایدئگرین فلسفه سی, فلسفه هایدگر, آکادمی فلسفه آذربایجان, ترجمه ترکی آثار فلسفی, فلسفه در تبریز و آذربایجان
ادامه مطلب
+ نوشته شده در  شنبه بیست و چهارم خرداد 1393ساعت 10:31  توسط علیرضا نصیرزاده بکرآباد  | 

 

پایان‌نامه نویسی به مثابه مردار متن !

 

 محمد فاضلی در روزنامه اعتماد نوشت: جوان وقتي در اتوبوس بي‌آرتي كنارم ايستاد، يكي دو ايستگاه بعد از ميدان انقلاب بود. تلفن همراهش را در دست گرفت و تا به آخرين ايستگاه برسيم به سه نفر تلفن كرد. براي هر سه نفر توضيح داد كه در حال نوشتن پايان‌نامه فوق‌ليسانس است، پروپوزالش به تصويب دانشگاه رسيده است و به دنبال كسي مي‌گردد كه پايان‌نامه‌اش را بنويسد. جوان قبل از رسيدن به ايستگاه آخر فردي را يافت كه قبول كرد با مبلغ 750 هزار تومان پايان‌نامه را بنويسد و براي او توضيح داد كه «مي‌خواهم كار ‌تر و تميزي باشد كه رزومه خوبي برايم به حساب آيد. » قرار شد پايان‌نامه را آخر تيرماه تحويل بگيرد و تا شهريور آماده دفاع از آن شود.

 نعمت‌الله فاضلي مدتي قبل در شرح ايده «تكثير مكانيكي دانش» نوشته بود «تكثير مكانيكي دانش يعني جايي كه نه تنها مولفي در آن وجود ندارد بلكه به قول رولان بارت و «نظريه مرگ مولف»، مولف در توليد معنا دخالت ندارد و اين خواننده است كه معنا را توليد مي‌كند. ما اكنون در وضعيتي به سر مي‌بريم كه با مرگ متن يا متن‌هاي مرده يا مرگ مخاطب يا خواننده روبه‌رو هستيم؛ در يك فضاي كاملا مرده سير مي‌كنيم؛ در عصر تكثير مكانيكي دانش، متن‌هايي توليد مي‌شود كه سبك ندارد، امضاي نويسنده ندارد و مي‌توان گفت متن‌هايي توليد مي‌شود كه توسط هركسي مي‌تواند نوشته شود.» مرگ متن ناظر بر بي‌سبك شدن متن‌ها يا متن‌هاي بدون پرسشي است كه به هيچ قصد علمي و حقيقت‌جويانه‌يي خلق نشده‌اند، حامل خلاقيتي نيستند و احتمالا تنها براي ارتقاي رتبه علمي يا چيزي شبيه اين كارايي دارند. اهدافي كه با نفس علم بيگانه‌اند. وقتي مكالمه جوان به پايان رسيد و از نگارش پايان‌نامه‌اش مطمئن شد، ايده «مرگ متن» برايم اهميتي فوق‌العاده يافت. مي‌فهمم كه فحواي نظريه مرگ مولف ناظر بر متن به مثابه چيزي بسيار فراتر از متن مكتوب آكادميك است و ناظر بر قضاوت ارزشي مثبت يا منفي درباره متن‌ نيست و در عوض ايده «مرگ متن» ناظر بر قضاوتي ارزشي درباره متن‌هاي توليدشده و متن‌هاي آكادميك است حتي واژه مرگ نيز در هر دو عبارت دلالت بر معنايي متفاوت دارد اما من با همين واژه مرگ كار دارم.

 پايان‌نامه‌يي كه براي اين جوان و البته شايد صدها هزار مثل او، نوشته مي‌شود، يك پله از «متن‌هاي مرده» مد نظر ايده مرگ متن پست‌ترند. ايده مرگ متن ناظر بر متني است كه نويسنده دارد اما نويسنده‌اش اصالتي به متن نبخشيده و در قياس با هنر و به قول والتر بنيامين، هاله‌يي آن را فرانگرفته است. اما متن پايان‌نامه‌هايي از آن جنس كه جوان سفارش مي‌داد و مقاله‌هايي كه آگهي‌هاي ميدان انقلاب شما را به محل نگارش آنها راهنمايي مي‌كنند، مرده‌تر از متن‌هاي مرده بي‌سبك و خلاقيت هستند.

 اين پايان‌نامه‌ها يا آن مقاله‌هاي سفارشي چگونه نوشته مي‌شوند؟ حتما انباري از پايان‌نامه‌هاي نوشته شده وجود دارد و آنكه در مقابل 750 هزار تومان حاضر شد ديوار كاخ دانش را يك رج بلندتر سازد، با هزار شعبده‌بازي پاره‌ها و فصولي از هر كدام را به هم در مي‌آميزد و چيزي خلق مي‌كند كه نويسنده، سبك، هدف، خلاقيت و اصالت ندارد، بي‌پدر و مادر است.

 اما بياييد در اين متن‌مردگي تامل كنيم و ببينيم به كجا مي‌رسيم. تصور كنيد جامعه‌يي مرده‌هايش را دفن نكند. اندك زماني كه بگذرد، بوي تعفن و بلا و بيماري، جامعه را فرا خواهد گرفت. متن‌هاي مرده نيز چون دفن نشوند همين بلا را به سر سرزمين علم و دانش مي‌آورند. يكي، دو مقاله از هر متن مرده خلق مي‌شود (عين كرم‌هايي كه روي لاشه مردگان راه مي‌روند)، مجلات را پر مي‌كنند و شاخص رشد علم مي‌شوند. استادان بسياري با همين مقاله‌ها ارتقا مي‌گيرند و نشان و ويترين علم مي‌شوند. بوي گند اين كرم‌ها را مي‌شود لابه‌لاي عناوين و ژست‌ها پنهان كرد اما ذهن هر نويسنده‌يي كه آلوده چنين متن‌هاي مرده‌يي باشد، بي‌اعتماد به نفس‌تر و منفعت‌طلب‌تر از آن است كه شجاعت قلندري‌هاي علمي داشته باشد. اين مرده‌ها اخلاق علم را متعفن مي‌كنند. متن‌هاي مرده هزينه براي دولت و جامعه دارند. با هر متن مرده‌يي مي‌توان رتبه اداري را ارتقا داد و حقوق و مزاياي بيشتري طلب كرد. منزلت‌ها و مطالباتي كه بر پيكر اين متن‌هاي مرده بنا مي‌شوند، دروغين‌تر از آن هستند كه منشا خلاقيت و تحول باشند.

 صاحبان متن‌هاي مرده، ساختاري دروغگو هستند. مدرك‌هايشان خالق مدعاي كارآمدي و توانمندي است اما از آن متن‌هاي مرده مهارتي برنمي‌خيزد، آبي گرم نمي‌شود، انديشه‌يي بر نمي‌كشد، دانشجويي شوق دانستن وجودش را فرانمي‌گيرد، مساله‌يي حل نمي‌شود اما طناب‌دار منفعت‌طلبي و بي‌اخلاقي را بر گردن جامعه و دانش تنگ‌تر مي‌كنند.

 اقتصاددانان مي‌گويند خلق پولي كه به ازاي آن كالا و خدمتي توليد نشود، تنها رشد نقدينگي و تورم را در پي دارد. مدرك دانشگاهي نيز از جنس اوراق بهادار است و مثل پول، اگر به ازاي توليد مدرك، مهارت و دانشي توليد نشود، عين رشد نقدينگي، باعث تورم مي‌شود. تورم بي‌مهارتي، تورم منزلت‌هاي دروغين، تورم دروغين دانش، تورم اوراق مجلاتي كه بازتوليد مكانيكي متن‌هاي مرده‌اند و جز مردار كردن درختان فايده‌يي ندارند؛ تورم كلاس‌هايي كه دانشجويان آن به عوض دم مسيحايي كه مرده را زنده كند، نسيم مطالبه و مصالحه بر سر خلق متن‌هاي مرده را استشمام مي‌كنند. متن‌هاي مرده، عين اوراق بهادار بي‌پشتوانه توليد كالا و خدمات كه خالق تورمند و عين مرده‌هايي كه اگر دفن نشوند، تعفن و بيماري به بار مي‌آورند؛


برچسب‌ها: رزومه های قلابی, پایاننامه های سفارشی و قلابی, مدارک پولی, پایاننامه های پولی و سفارشی
ادامه مطلب
+ نوشته شده در  شنبه بیست و چهارم خرداد 1393ساعت 9:50  توسط علیرضا نصیرزاده بکرآباد  | 

 

شهاب‌الدین سهروردی

 

 حاضیرلایان : زهرا نعیمی

 

 1154-جو ايلده ماراغا شهرينده دوغولموش آذربايجان فيلسوفو، اشراقيليک فلسفه‌سينين بانيسيدير. اونون اورتا عصرلرده شرق اؤلکه‌لرينده گئنيش ياييلميش سحرکارليق، گؤزباغلاييجيليق، ماگييا ايله مشغول اولدوغونو سؤيله‌ييرلر، بو حاقدا بير نئچه حکايت مؤوجوددور.

شهاب الدين سهروردي طلبه‌سي شمس الدين شهرزوري يازيردي: «او، کرامتلر و معجيزه‌لر صاحبي ايدي.» اشراقي فيلسوفداکي غيري-عادي کيفيتلر اؤز شاگيردي طرفيندن صوفی حاللارينا منجر ائديلير. فيلسوف مسلمان حقوقشوناسلارينين جيدي طلبلرينه گؤره، مصر، يمن و سوريه‌نين حؤکمداري صلاح‌الدين ايوبينين (1169-1193) امري ايله 1191-جي ايلده 37 ياشيندایکن اؤلدورولوب. ارثي: شهاب الدين سهروردينين اثرلرينين و اونلارا يازيلميش شرحلرين، حاشيه‌لرين اليازما نوسخه‌لري دونيانين بير سيرا فوندلاريندا و کيتابخانالاريندا ساخلانيلير. قيده آلينميش اللي‌ايکي اثريندن اون‌اوچو پئريپاتئتيزم، اون‌بئشي صوفیزم، سکگيزي ايشراقيليک و اون‌آلتيسي موختليف مؤوضولار اوزره قروپلاشديريليب.

 شهاب الدين يحیي سهروردينين زنگين ارثي 12-جي عصردن اعتيبارن عرب، فارس، قسما ده تورک ديللرينده مسلمان شرقي خالقلارينين فلسفه‌سي تاريخينده اؤزونه محکم يئر توتوب. اونون اثرلرينين اورتا عصرلرده کؤچورولموش اليازما نوسخه‌لري حاضيردا دونيانين مختليف شهرلرينده، دمشق، سانکت پئتئربورق، تهران، باغداد، قاهيره، ايسکندرييه، ايستانبول، پاريس، لندن کيتابخانالاريندا ساخلانيلير. اونون ارثينين ياييلماسيندا گؤرکملي فرانسيز شرقشوناسي آ.کوربي‌نين حاضيرلاديغي اوچ جيلدليک توپلونون اهميتي مثلسيزدير. بيرينجي مجموعه ايستانبولدا 1945-جي ايلده بوراخيليب، بورا پئريپاتئتيزمه داير اثرلرين مئتافيزيکا حيصه‌لري توپلانيب. 1952-جي ايلده تهراندا چيخميش ايکينجي مجموعه‌ده «اشراق فلسفه‌سي»، «فيلسوفلارين گؤروشلري»، «قرب قوربتي» اثرلري وئريليب. 1970-جي ايلده تهراندا بوراخيلميش مجموعه‌ده فيلسوفون اون‌دؤرد تراکتاتي توپلانيب. اونون «عاشيقلرين مونيسي» اثري او.سپيس طرفيندن 1934-جو ايلده شتوتقارتدا و دهلي‌ده، «قوش حاقيندا تراکتات»ي 1935-جي ايلده او.سپيس و خاتاک طرفيندن شتوتقارتدا چاپ ائديليب و س. فون دئن بئرج «ايشيق هئيکللري» تراکتاتيني هلند ديلينده 1916-جي ايلده نشر ائتميشدير. پئريپاتئتيزمه داير «فيلوسوفلارين گؤروشلري» تراکتاتي اورتودوکسال اسلام ايدئولوقلارينين شرق پئريپاتئتيکلرينه قارشي گوجلو هجوما باشلاديغي بير دؤوره تصادوف ائدير. بوردا مؤليف آريستوتئلچي فيلوسوفلارا حاق قازانديراراق اونلارين مدعالاري نين تحريفينه و راسيونال فيکيرلرينين بدعت کيمي قلمه وئريلمه‌سي جهدينه قارشي چيخير. وارليق تعليمي: اونون ايشراقيليک فلسفه‌سينده «وارليق» و «يوخلوق» آنلاييشلاري «ايشيق» و «قارانليق» آنلاييشلاري ايله افاده اولونور. شهاب الدين سهروردي واجب وارليق حاقيندا ايره‌لي سورولن بعضي مدعالاري معين معنادا ايشيقلار ايشيغينا عايد ائدير: «ايشيقلار ايشيغي بوتون مؤوجود شئيلرين وارليغينين سببيدير.» مؤوجوداتين منبعي ايشيقلار ايشيغي تيمثاليندا گؤتورولدوکده ائماناسييا نظريه‌سينين شرحي ساده‌لشير، زيرا، ايشيق مؤوجوددورسا، شعالانماليدير.

 ايشراقيليک فلسفه‌سيله تانيشليقدان سونرا يقين ائتمک اولور کي، بابکيليک حرکاتي‌نين ايدئولوگيياسيندا اؤنملی آنلاييشي افاده ائدن خورره ‌تئرميني ده ايشيقلار ايشيغيندان چيخان مجرد ايشيغا مطابق بير معنا داشييير. 


برچسب‌ها: سهروردی, فلسفه شیخ شهاب الدین سهروردی, آذربایجان فلسفه سی, آکادمی فلسفه, فلسفی دوشونجه
ادامه مطلب
+ نوشته شده در  شنبه بیست و چهارم خرداد 1393ساعت 9:45  توسط علیرضا نصیرزاده بکرآباد  |